大呷台灣 (已結業)

平时啲台式餐厅多数都系主食，肉燥饭、红烧牛肉面呢啲多数都有，但好少有呢间咁多小食嘅选择🥰一于喺度试多几款小食啦😁 卤豆腐 $25呢个我超钟意😆豆腐好滑结实，唔容易散😍而且唔止面头有味，入面都好够味。个汁唔系净系得咸味，仲有花椒八角等浓浓香料味。所以话愈简单嘅菜式愈见到餐厅嘅诚意。 大呷小笼包4只 $38虽然话要等10分钟，但其实都好快到😁汤汁好充足，肉质鲜味juicy，整体好香🥰🥰价钱唔贵。 古早味蚵仔煎 $78蚝嘅数量非常足够🦪薯粉煎饼烟韧度高而且够味😊唔油腻但好香。 古早葱油鸡 $88肉质嫩滑，好入味，唔会太浓。上面嘅配料有啲甜甜地😝唔错。 盐酥豆腐粒 $48呢个即炸即上嘅豆腐粒，上枱时仲见到啲泡卜卜卜。热辣辣香口嘅感觉令人谂起台湾夜市😊豆腐够滑。盐酥嘅咸香充足。 黑糖古早珍珠奶茶 $28平时对台式餐厅嘅饮品通常都唔抱咁大期望😝但呢杯出乎意料地好😊够哂大杯，黑糖味焦香，茶味都重，唔会好甜。珍珠淋而烟韧😊个人觉得好过出面啲手摇。 另外，店员非常有礼😊，值得称赞。