龍門金閣海鮮酒家

营业中

休息中

位于尖沙咀嘅龙门金阁海鲜酒家有好多怀旧有出名嘅菜式都可以喺呢度食到。虽然我哋都系年轻一代，但其实好想食下以往六，七十年代，香港起飞果时出晒名鱼翅捞饭嘅菜式。怀旧菜叫化鸡真系唔系度度可以食到，而且做法复杂。 出面用咗锡纸同埋一层类似泥土既嘢一齐烤焗，食之前要卜碎个外壳，卜完之后芬香扑鼻。叫化子鸡焗出嚟嘅鸡肉特别嫩滑，由于 鸡内填满咗十几种鲜材料，例如金针云耳等等， 焗完之后鸡肉入晒配料味道，不同凡响。 讲起70年代梗系唔少得 鱼翅喇。桂花炒鱼翅，鱼翅条条分明，唔干身，口感有绖。而且桂花加入蛋碎炒，食落好香口，每一啖都有鱼翅一嘅口感，我终于食到鱼翅捞饭嘅感觉啦。 呢度又系另一度怀旧菜，莲子八宝鸭。鸭内又系填满咗 好多种材料， 例如冬菇，莲子，糯米饭等等。食落鸭肉鲜嫩，口感层次好丰富。窝贴大明虾， 虾肉非常之弹牙，而锅贴口感有啲似多士咁松脆。配合弹牙嘅虾同埋酱汁一齐食 ，口感好特别好丰富。 呢个生炒腊味糯米饭系我咁多年以嚟食过最好食嘅糯米饭之一。首先糯米饭一啲都唔油腻，腊味味道芬香扑鼻，而糯米饭咸度适中，最紧要嘅系佢糯米饭有一种黏口感，却粒粒分明，食落唔会浆实晒咁，做工真系好出色。