Cocolo Tokyo Cake Factory (利東街)

营业中

休息中

今天收工，行过利东街，发现有间日本甜品舖 ，于是就行入去睇下， 发觉原来系东京好出名嘅甜品舖。 于是就忍唔住买咗个批， 加一个蛋糕。入到去见到有不同种类嘅批， 价钱非常之合理， 三十几蚊就可以买到一个批 ，我觉得好抵。 仲见到佢做紧7折， 好抵买。蛋糕也有不同种类嘅蛋糕， 我见到都流晒口水。 眼花缭乱， 好想每一件蛋糕都买返屋企食。呢间舖头，仲有卖咖啡 ，抹茶。 可以一试，日本风味嘅蛋糕再加咖啡 ，绿茶， 简直人间美味。我点咗一件奶油坚果蛋糕， 味道好正， 我好钟意呢款蛋糕嘅味道， 唔会太甜， 蛋糕配上坚果，好有口感 ，食得出好有层次，软硬合体，正。我另外点了一件柠檬批， 因为个批新鲜出炉 ，所以非常之香脆松软。外卖蛋糕嘅盒都好靓， 睇落好高贵大方。