泰廚泰國菜館

营业中

休息中

最近呢两年都冇得去旅行，想喺香港食下唔同嘅菜式，又想食到泰国地道嘅味道，我觉得旺角呢一间泰国菜暂时系我喺香港食过最地道嘅泰国菜。 餐厅嘅装修唔算好华丽，反而有一种泰国街边小店嘅感觉。餐厅整体嘅食物质素偏高，种类多，价钱亲民，切合唔同人嘅需要。我最钟意食呢度嘅青咖喱鸡肉饭，用蒜蓉包沾上浓郁青咖喱，味道一流。青木瓜沙律，生木瓜口感好清爽，酱汁酸酸辣辣，酸甜辣中带点花生粒嘅香气同埋香脆嘅口感，让人胃口大开。鸡肉串烧系即点即烤，烤嘅过程中将肉香与肉汁烤出，把肉的美味发挥得淋漓尽致，再搭配上浓郁嘅花生沙嗲酱，一大享受。另外一个重口味选择就系泰式肉碎生菜包，肉碎嘅份量非常之多，咸香十足。另外亦都好推荐加一蚊就有四只嘅泰式生虾刺身，虾肉新鲜爽滑，泰式酸辣汁惹味。