Mr. Right (已結業)

如果痴痴的等某日 终于可等到一生中最爱......... 今日就同我嘅Mr. Right嚟呢间名字咁浪漫嘅餐厅餐厅位于corner位 ，落地大玻璃，里面相当宽敞， 装修时尚， 木枱配钢椅， 型格! 我就坐喺对住大玻璃嘅位， 对住出面绿油油嘅树木， 好舒服呀! 叫咗两个set lunch， 先来个田园风味沙律， 沙律菜好新鲜， 最正系𠮶啲沙律汁， 原来系用柚子蜜沟沙律醋， 唔怪之得咁酸酸甜甜，咁好味今日餐汤系忌廉椰菜花汤， 好香，一啲都唔杰。叫咗香煎带子牛油果烩意大利饭， 带子厚肉， 煎得金黄， 意大利饭可能配合香港人嘅口味 ，唔系太生，味道好香再来一个烧美国黑安格斯肉眼扒配烧汁， 牛肉味好浓郁， 生熟程度啱啱好 ，配埋粗身薯条， perfect餐饮都一啲都唔失礼， 咖啡香浓幼滑， 冻柠茶够清澈。喺呢度坐得实在太写意啦， 倾下讲下， 唔觉时间过得咁快， 赶时间要走 ，连甜品都食唔切。 不过唔紧要， 绝对会有下次