好旺角粥麵專家

营业中

休息中

今晚放工后，打算同陈生到旺角买相机，买之前医饱个肚先。唔知大家有冇同感，每次到旺角，即使旺角有好多食肆，但硬系唔知去边度食饭好！如是者，咁啱经过洗衣街时，见到红色招牌嘅「好旺角」，地方整洁光鲜，而且有位唔驶等，一于入去食餐便饭。******************************望见个餐牌先知自己有眼不识泰山，原来好旺角场1972年创立已经有42年历史，我同陈生叫咗餐牌上有个LIKE喺隔离嘅鲜虾云吞河﹠凤城水饺捞面，信心保证！先讲我碗鲜虾云吞河（＄27），共4粒云吞藏于河粉底，我钟意河粉汤底几清淡，河粉软滑；但鲜虾云吞未见出色，云吞馅料有点过咸，鲜虾细小，以＄27价钱来讲，整体合格。我觉得陈生叫个碗凤城水饺捞面（＄39）比较吸引！水饺皮薄，味道寻常，未见特别之处；反而捞面令整碗水饺面味道提升，油份充足嘅捞面弹牙爽滑。简简单单，咁又一餐。******************************用餐时，见到搭枱嘅客人食猪手捞面食得津津有味，看来下次有机会也要回头试试！另外，帮我地落单嘅老伙记好似执到金咁，面带笑容，值得一赞。