小草十八怪石鍋米線 (已結業)

有朋友话你好似好耐无写米线啦，其实因为都差唔多写晒了，本身都系得番2篇左右。不过，突然系旺角食左间楼上米线，虽然唔系世一水准，因为唔算系正宗云南米线，但都几有惊喜。今次介绍系小草十八怪石锅米线，佢呢度最出名就系米线唔系用碗上，而系用超热的石锅上，另外仲有特别的汤底，今次就试左最受欢迎的香辣金汤同埋极品蟹皇汤。香辣金汤个颜色好靓，好似有南瓜汤加少少辣的感觉，而蟹皇汤有惊喜，饮落去真系好重蟹膏味，但你又唔会觉得好假，所以都值得推介。由于石锅上会Keep住煮，所以开头的米线会比较硬同爽弹，如果想食淋啲就等佢煮耐啲。𩠌料方面就正常发挥，亦都无咩特别款式。不过，饮品方面就好大杯，同埋可以叫埋串烧，都有好多选择，而且都叫抵食!