影片
更多
2023-07-09
830 浏览
今日早起做完运动比较肚饿，所以想食麻辣米线，但附近选择唔多，于是行到去青山道附近试下云南风味小锅米线。我记得以前行过附近唔算好多人，但唔知系咪米线关注组有提过后出名左，2个人以上就要排队，好彩我今日1枝公，唔洗等就已经有位。首先系装修格局方面都几特别，成间舖绿油油，周围都有假花装饰，好似打造成花园咁，而座位就系一排排2人座位，好似自修室咁几得意。一坐低已经闻到好浓郁的猪骨汤味，所以当一刻已经谂起屯间云川。呢度的𩠌菜唔算好多选择，不过居然有得拣鸡软骨，仲要每款𩠌最贵都系$7蚊，都算几抵，最后拣左鸡软骨同埋炸酱。米线上枱后，见到成碗汤都系奶白色，猪骨味道更加浓烈。米线份量都几足，而米线比一般云南米线店幼细，但食落都几滑又出奇地挂到汤。而麻辣汤方面，唔算好麻，但猪骨味真系好浓但唔浊同埋无猪骚味，唔讲以为自己系食紧日本猪骨汤拉面。由于我个人比较重口味，所以我觉得比云川更加好食，有机会成为世三之选。最重要一点系我饮左半碗汤都唔口渴，证明应该系真材实料。鸡软体味道正常，都几配合米线。而炸酱好有家庭味道，肉粒都比较大，而味道以咸为主，唔算太酸。最后，时间方面都要等耐少少，首先我窥探厨房见到佢地真系一
首先系装修格局方面都几特别，成间舖绿油油，周围都有假花装饰，好似打造成花园咁，而座位就系一排排2人座位，好似自修室咁几得意。一坐低已经闻到好浓郁的猪骨汤味，所以当一刻已经谂起屯间云川。呢度的𩠌菜唔算好多选择，不过居然有得拣鸡软骨，仲要每款𩠌最贵都系$7蚊，都算几抵，最后拣左鸡软骨同埋炸酱。
米线上枱后，见到成碗汤都系奶白色，猪骨味道更加浓烈。米线份量都几足，而米线比一般云南米线店幼细，但食落都几滑又出奇地挂到汤。而麻辣汤方面，唔算好麻，但猪骨味真系好浓但唔浊同埋无猪骚味，唔讲以为自己系食紧日本猪骨汤拉面。由于我个人比较重口味，所以我觉得比云川更加好食，有机会成为世三之选。最重要一点系我饮左半碗汤都唔口渴，证明应该系真材实料。鸡软体味道正常，都几配合米线。而炸酱好有家庭味道，肉粒都比较大，而味道以咸为主，唔算太酸。
最后，时间方面都要等耐少少，首先我窥探厨房见到佢地真系一碗碗咁煮，所以都要些时间准备。另外佢地都接唔少外卖单，所以堂食再加外卖单，个数量都颇多，不过我觉得如果唔系赶时间，都值得等下!
张贴
