九頭鳥米線

营业中

休息中

九头鸟米线突然一年内冒出黎系港岛开左3间分店，近排仲进驻九龙开多间，个个都好神奇咁问到底发生了什么事? 加上唔少人食过九头鸟后话似足谭仔翻版，有一日系中环开完会，咁岩一丁人，就去试下呢间神奇「连锁」米线店。店舖装潢或许用木系为主题，感觉上都有点简约风，如果唔计隔板的突兀之感，其实你话去Café都似。讲番食物，𩠌料选择方面其实都几多选择，包括有鱼肉春卷、墨鱼头、猪肚、猪软骨等。米线上枱后份量都唔错，鱼肉春卷都几大件，仲要有3件，而食落去同平时食开唔同，表面系脆皮，好唔好食就见人见智，唔好食就会觉得比较干，但我就觉得几特别，食落去有脆皮口感。另外都叫埋鸡肉，鸡肉正常发挥，至少唔会有雪味，但调味就略嫌轻手左。米线都爽弹，唔会过淋，而汤底就真系几似谭仔，但相对浓郁些少。整体黎讲，九头鸟系谭仔同南记的结合体，比谭仔浓郁的汤底配上有南记「脆皮」的鱼肉春卷，如果拣连锁的话，三间黎讲如果保持水准，我暂时会拣九头鸟。