維の味居酒屋

营业中

休息中

最近爱上吃串烧，四围都睇下边度有得食，有日行番屋企见到附近原来都有间串烧小店🍡，bookmark 咗要去试下。 一坐低无耐，店员已经好主动送上鳕鱼条🐟，仲以为佢上错，原来每台都有得送㗎，无谂过平时食嘅零食可以烧嚟咁食，味道出乎意料之外，微微香脆，加埋蛋黄酱又几好味㖞。 烧鱿鱼一夜干🦑经过炭火烧烤，鱿鱼干软硬适中，风味浓郁。鱿鱼肉质肥厚，口感香醇。 嫌烧鱿鱼一夜干未够喉，再加多个汁烧鱿鱼须。 汁烧牛肋肉🐮：肉质都几嫩，牛味浓郁。 鸡软骨：香脆有咬口，送洒一流。 烧莴笋原来都几好味，平时多数打边炉食，今次烧嘅感觉都唔错，同样好爽口，而且更加带出莴笋嘅味道。 粟米🌽：粟米香甜，有阵阵牛油味。 烧黑豚腩🐖：五花肉同脂肪比例恰到好处，油脂香气十足，油脂入口仲保留住脂肪融化口中的香味，表面焦香，肉质柔嫩多汁，肉味浓郁美味。