夏捌月 (已結業)

见最近好多住元朗的朋友都推介呢间餐厅，星期日的中午，又谂唔到去边食个BRUNCH，所以就想起呢间餐厅。个位置好近朗屏西铁站，因为个招牌唔起眼，无仔细睇系留意唔到呢间小店，其实系正桥底。中午12点去到，竟然有人等位，可能新开，都多人想试食，我地系第三张枱，前面有4个人等紧。负责安排入座的店员，非常有礼貌，亦会提示入面的情况，如已经执紧枱或已埋紧单，服务算殷勤的。等左10分钟，就可以入座。餐牌选择十分丰富，比想像中多选择，老婆本来想食焗猪饭，但最后都系选左芝士咖哩焗吉列猪扒饭，我就选左人气之选－蟹肉蟹膏意粉。猪扒系吉列炸的，非常香脆，配埋咖哩汁，好惹味。本来以为会系类似日式咖哩汁，呢间的咖哩汁偏近东南亚，有椰香味，唔会太辣，又有香料味。焗饭偏向细碟，比一般茶餐厅少，如果女仔食刚刚好，男人食就可能唔够饱。蟹肉蟹膏意粉，十分值得一试，非常CREAMMY，每一啖都有蟹粉味，份量也刚刚好，虽然唔大碟，食晒都有饱滞的感觉，十分足料。呢度值得一试的，仲有樽装无冰嘅冻奶茶、咖啡和朱古力，奶茶香浓而味道偏甜，朱古力都OK，味道似维记朱古力奶，好饮过茶餐厅的冻朱力奶。埋单＄161，每人一旧水都唔洗嘅价钱就有