第九味

营业中

休息中

常言道嘅八味指：酸、甜、苦、辣、咸、涩、腥、冲，人生历尽食物味道嘅层次，今日就嚟到元朗嘅第九味，寻找八味以外嘅「鲜」味。第九味系一间日式餐厅，以新鲜嘅食材，将食物最原始嘅味道，开放你嘅第九味蕾。北海道带子杂菜沙律沙律绝对系鲜味嘅代表！新鲜嘅杂菜配搭北海道带子，而满满嘅蟹籽同蔬菜非常爽脆，加上味道鲜甜而口感柔软嘅北海道带子，令鲜味更上一层楼。盐烧深海池王鱼头连鲛配𩽾𩾌鱼肝烧过嘅池鱼皮脆肉嫩，而脸颊部分肉质鲜甜，加上酱油令味道层次大大提升；而被称为海上鹅肝嘅𩽾𩾌鱼鱼肝嘅口感就截然不同，软腍之余仲带有少少海水味，非常清新。日本活赤贝刺身+三色盛三色盛嘅刺身有三文鱼、北海道帆立贝同牡丹虾。北海道帆立贝味道清甜口感扎实；而活赤贝刺身口感爽弹，咬落肉质柔软，食落有阵阵鲜甜味。海陆空串烧盛串烧盛份量十足，海陆空嘅代表都有齐晒。店家手作嘅免治鸡肉棒烧到微脆，再铺上带有甜味嘅照烧汁，口感丰富；牛肉串嘅肉味浓烈，火候控制得好，所以咬落去肉质软腍。记得要配埋自家制嘅辣粉，轻轻嘅辣味令串烧食落更加惹味。