古早味台灣原味 (已結業)

朋友话想食台湾嘢所以就试下呢间系铜锣湾嘅台式餐厅！ 当日系weekday但系餐厅好多人排队，我心谂咁多人等咁应该好味啦！即管试下先！我地四个女仔因为好多嘢想试所以就嗌咗一人一个面同两个小菜！小菜方面嗌咗酱烧茄子同花枝虾卷(朋友话见到好多人推荐)。必须赞下个酱烧茄子非常惹味，而且好大份！四个人每人都有三四条，超级抵食！ 至于花枝虾卷都唔错，唔会净系得炸皮食，而且份量大过menu所展示嘅份量！主食我地就嗌咗麻油鸡面线、古早味红烧牛肉面、猪软骨面同埋古早味拌面。我本身系满心期待个麻油鸡面线嘅，食落去油系有嘅，但系就少咗啲麻油香，可能俾药材味盖过咗。可惜佢真系太油，食咗一细碗我就冇再食啦。牛肉面就几出色，好大碗好足料！不过有别于台湾嘅牛肉面或半筋半肉，呢度提供嘅系牛(但都好好味！)。 提醒返，猪软骨面个汤底同牛肉面系一样嘅，所以建议二拣一。 总括而言，呢间台湾菜整体都可以，不过个人觉得未够地道。