臺坊 (加拿分道) (已結業)

已经成2年冇得去台湾啦。而而家都终于可以放宽返外出晚饭, 更系要出外寻"乡"啦。今日系尖沙咀揾到lee间台坊, 见到已比佢台式小店既装潢吸引入去啦。 入面其实好简洁，但真系有种台风既味道。 首先更系要追寻下好味既盐酥鸡啦。 喜欢台湾既真系必食。 系香港有整得好食既都好难得。佢好大件，即叫即炸。 咬开好有肉汁, 唔会死实实。 亦唔会成口粉浆。 入口热辣辣既感觉, 好想放入纸袋袋，会更有风味。再叫左珍珠奶茶同红烧牛肉面。 因为跟餐配野饮都几抵。 真系好地道既野。 虽然珍珠奶茶周街都买得到, 但可以keep到好饮既水准真系唔错。 佢同其他出名牌子既珍珠奶茶都有得比。 饮落冰溶左后都唔会有水奶分离既感觉, 珍珠都够Q弹。而牛肉面真系好大碗，牛肉同萝卜大件又入味。 好稔甜。 真系唔可以睇少碗面呀。佢既野食虽然1板menu睇晒，但胜在够丰富。