Amour Cafe (已搬遷) 新店位置

上次黎呢度食，但无得食吉士蛋。老板话我知，下次想食可以打个电话留一个比你，真系太好啦。所以我今次先有得食。呢日真系放饭时候，所以人都几多。意式杂菜汤真系几淡呀，虽则好多配料。搞到我要加辣椒仔，不过加完之后个味道又几夹。烟肉蘑菇意粉本来唔系食呢个架，但我见个意粉整得好靓，我先唔食蕃茄鸡扒天使之发。结果我呢个决定系无错，因为真系好重芝士味，配料又唔错，几好食架。意粉又够弹牙，真系好有心机。冻Mocha唔太甜，咖啡味好够，但有朱古力味，正。古士蛋讲真，我系为左佢而黎食既。当然无令我失望啦。个外表好靓，焦糖汁又算几多。个蛋又够滑，虽然系冻食，但味道也不赖。一间好有心既餐厅，虽然环境差小小。但我见到老板系有心做既，平平地食个西餐认真不错。