影片
更多
2010-06-16
44 浏览
九龍城對我黎講唔太就腳，通常會等到假期多d時間先會去。是日端午節，同屋企人中午去南記飯店雙料慶祝端午同週日既父親節。去到先發現，原來有次夜晚去九龍食飯，見到有間好多人响門口等位既食肆，就係南記，今趟親身揭開咁多人食既真正原因。點左一個4人套餐，然後再散叫其他菜。點知餸一到，屋企人就急不及待下筷，所以影唔切相，請見諒、見諒！ 咸雞半隻：黃皮雞，一試雞香油香即沾滿咀，肉質非常嫩滑，就知一定係新鮮雞，凈係咁已經得分唔少，加上剛好既咸香味，家人一齊大呼好正呀！ 卥水鵝片加卥水蛋：呢個係一位小朋友指定要既菜式。平時唔鐘意食鵝片既我，今次真另眼相看，事關鵝片肉質不老且嫩，卥水夠香，不過個人畧嫌咸左d。而卥水蛋外皮吸收左足夠卥水香味，裡面唔乾，恰到好處。 潮式芥菜：第一次食黎種煮法，有d似半醃製既咸菜，都ok架！ 胡椒豬肚湯：久違左既美味番黎喇！湯底見有唔少鮮豬肚、豬粉腸加咸菜煲成，加上濃濃既胡椒香，比市面一般胡椒味欠逄既，簡直天同地，誠意之作！ 冰鎮涼瓜：味帶甘、甜、酸，不過不失啦！ 方魚肉碎蠔仔粥：做到平均水準，ok呀！ 鴛鴦棗：即蝦棗拼蟹棘。家人認為炸得有d過火，個人就認為ok。"涵" 料夠新
點左一個4人套餐，然後再散叫其他菜。點知餸一到，屋企人就急不及待下筷，所以影唔切相，請見諒、見諒！
咸雞半隻：黃皮雞，一試雞香油香即沾滿咀，肉質非常嫩滑，就知一定係新鮮雞，凈係咁已經得分唔少，加上剛好既咸香味，家人一齊大呼好正呀！
卥水鵝片加卥水蛋：呢個係一位小朋友指定要既菜式。平時唔鐘意食鵝片既我，今次真另眼相看，事關鵝片肉質不老且嫩，卥水夠香，不過個人畧嫌咸左d。而卥水蛋外皮吸收左足夠卥水香味，裡面唔乾，恰到好處。
潮式芥菜：第一次食黎種煮法，有d似半醃製既咸菜，都ok架！
胡椒豬肚湯：久違左既美味番黎喇！湯底見有唔少鮮豬肚、豬粉腸加咸菜煲成，加上濃濃既胡椒香，比市面一般胡椒味欠逄既，簡直天同地，誠意之作！
冰鎮涼瓜：味帶甘、甜、酸，不過不失啦！
方魚肉碎蠔仔粥：做到平均水準，ok呀！
鴛鴦棗：即蝦棗拼蟹棘。家人認為炸得有d過火，個人就認為ok。"涵" 料夠新鮮，加上馬蹄，帶d爽口，唔錯喎！
芹菜沙鯭魚：魚新鮮，配上唐芹香，味道做到平均水準！
煎蠔餅：新鮮好味，木薯粉份量剛好，加上厚度適中，唔會有糊口既感覺。
炒魚麵：味道都ok，但真係比較油左d，加上個茨汁，有少許膩。另外食到有d鹽未溶，厨師真係要注意一下。
海鮮水瓜烙：淡淡既，無特出既香同味道，普通啦！
蕃茄豆腐大眼魚湯：見其他食家都讚口不絕，飽都要試試。一試果真非凡，蕃茄味濃，飲落好舒服同醒胃，真有住家菜 Feel，或者比我自己煲既味道更好。如果可以我會多加一條大眼魚黎增強魚鮮味，會變得更加正。
咁多人食既真正原因好簡單：美味、抵食、同埋都係美味、抵食！
是次各大叔侍應既服務態度係友善架，起碼做到合格。可能中午食客唔多，場面較易控制，大家心情都會靚d啦。
张贴