影片
更多
2017-10-09
97 浏览
铜锣湾鹅颈桥的魂拉面算系较早期拉面热潮兴起的其中之一。个时我觉得魂真系好好食，个汤底系好浓郁同厚身，咁岩我又去完东京食无敌家，觉得魂个味做得好似。虽然舖头细细，夜晚成日都大排长龙，所以以前我通常都系下昼去，好后期先有机会食到晚市限定的青龙。初时拉面热潮兴起比较多人食猪骨汤拉面，辣的或者墨鱼汁的拉面比较少见。佢地做拉面好认真架，每一碗面师傅都fing同个面干晒水（我成日觉得碗碗面都咁fing会唔会工伤）。每次食完我都觉得大满足（拉面系要食完饱到济济地咁先最正）。之后铜锣湾越来越多拉面舖，越来越多选择就少左返去食魂了，而且佢条人龙都无左。某日见好耐无食返去食个味道完全唔同晒！个浓厚的感觉无左而且好淡味。魂个「灵魂」无左！所以我就无再食了。最近经过鹅颈桥发现佢竟然执左！好surprise 又有点失落，话晒都有开左都4年几都有感情，以为佢被依家的拉面热潮淘汰都觉得可惜。后来知道原来唔系执左只系搬左，所以决定再去一试。地点好方便，太子警署后面，A出口一出过对面街就系。舖头比以前大好多，但lunch 1:30入到去一枱客都无（可能因为闲日近中秋关系？），我同朋友就好似包场食拉面咁。Menu无变，我
之后铜锣湾越来越多拉面舖，越来越多选择就少左返去食魂了，而且佢条人龙都无左。某日见好耐无食返去食个味道完全唔同晒！个浓厚的感觉无左而且好淡味。魂个「灵魂」无左！所以我就无再食了。
最近经过鹅颈桥发现佢竟然执左！好surprise 又有点失落，话晒都有开左都4年几都有感情，以为佢被依家的拉面热潮淘汰都觉得可惜。后来知道原来唔系执左只系搬左，所以决定再去一试。
地点好方便，太子警署后面，A出口一出过对面街就系。舖头比以前大好多，但lunch 1:30入到去一枱客都无（可能因为闲日近中秋关系？），我同朋友就好似包场食拉面咁。Menu无变，我同朋友照旧一人一碗太极。
等左一阵拉面上菜啦！碗都系用返旧舖的。汤始终不如当年香浓同厚身（我怀疑自己系咪拣左淡味），但都比上一次系旧舖食质素好左。不过汤好少，只系浸到9成的面，面未食晒汤已经饮得7788。依家d拉面店系咪真系因为香港人成日饮唔晒d汤觉得浪费所以个份量预得咁尽？！但其实汤真系一碗拉面的灵魂，无左大满足畅快的感觉真系就算碗面几好食对我黎讲都系争咁d。面佢都转左，同鸟华亭一样用一只较弯身好似公仔面咁既拉面。我个人就唔太喜欢呢只面，偏碎又无乜口感，唔觉得特拉挂汤。
好快就食完晒碗面+饮晒个汤。虽然觉得好食左但始终食唔返以前的味道（难道换左师傅？！），无左以前食完系咁抹嘴都仲有墨鱼汁系嘴边个个情况，代表个汤唔够浓身？！。我唔会话唔再返黎食，但暂时无好想再返黎食的冲动。或者有一日我又想再寻味的时候我又会再回来。
张贴
