The Right Place (寶勒巷)

营业中

休息中

上星期经openrice 订此酒吧餐厅 The Right Place. 选佢既原因系系因为系尖沙咀宝勒巷 交通方便。因为我工作地点比较近此餐厅, 所以准时到达。一坐低餐厅职员放低餐牌及drink list 给我。我同寿星女都选择非酒精类的Dr Kitty. 此果汁用荔枝肉加上蝴蝶结型糖 外型又系几似Kitty 既。略甜 。之后上小食并盘，因为有选择困难，此拼盘有五个小食加少量沙律菜，味道香口。有黑毛猪腩肉拼芒果莎莎（个餐牌上写的猪腩肉，我分不清到底是猪腩肉还是鸭胸。不过酸酸甜甜 系好味既）。有避风塘鸡翼，好香口，成个拼盘中最吸引。黑松露烧粟米，食唔到黑松露味。改返牛油粟米算啦。炸软壳蟹，大大件，好味。香草焗蚝，个壳好大呀！旧肉细细地，焗完变细系正常的，但都好香。再上鲜蟹肉烟肉海胆汁扭卷粉，个酱汁有大量蟹肉烟肉，十分漏，好在份量细，所以食完并盘再分享卷粉刚刚好。其实味道唔错，记得唔好一人独享，食唔到其他野。最后朋友点上甜品，但因为我忘记影相的关系，所以没有相片。订枱时通知餐厅在甜品碟上加上生日快乐。餐厅职员送上甜品时，碟上伴有小型烟火。祝她生日快乐。