幸福堂 (已結業)

最近铜锣湾又再掀起一埸黑糖风暴，最新加入战团嘅系幸福堂。今日有亲爱嘅饭脚一号1:00出去排队买比我饮，真心好幸福!我同其他饭脚们大约1:20左右陆续去到幸福堂，饭脚一号已经排到第3，终于1:32成功落单，竟然喺1:35饮品已经到手，真系意料之外! 员工做野快手又好礼貌，抵赞!我叫嘅系焰遇幸福黑糖珍珠鲜奶，杯身有满满嘅「幸福纹」，打卡一流。奶盖够厚身，可以中和返加冰后变稀嘅感觉，令整杯鲜奶可以保持creamy,，由于奶盖同奶底都奶味起浓，所以奶味无比黑糖味盖过，两样味道都饮到，唔错! 但有啲可惜奶盖面嘅黑糖烧得唔够时间，欠缺焦香。另外值得一赞珍珠嘅口感，口感十分特别，一开始系软绵绵（但绝对唔系糊口，系出色嘅软绵绵），唔知点解饮到底竟然有QQ嘅感觉，有趣。幸福堂嘅噱头都几多，例如求签同店员即埸炒黑糖，都几吸引到人，而黑糖鲜奶亦都做到内外兼备高水平，睇得系有心做好野饮嘅，下次再试下menu嘅其他野饮，因为其他有嫲多都好吸引!