CAFÉ LANDMARK

营业中

休息中

喺呢个世界未兴hightea嘅年代，名店林立嘅Landmark入面呢间cafe已经系名人富人坐低叹茶嘅热点。今日过嚟中环食晚饭，就嚟Landmark Cafe感受吓阿太、名人当年see and be seen嘅气氛。先嚟个西班牙黑毛猪火腿配哈密瓜，火腿几软滑，但哈密瓜就有啲令人失望喇～唔够甜同埋太爽口，好似街市买𠮶啲贡瓜。无个瓜仲好食！去主菜喇，见现场80%嘅人都有叫波士顿龙虾天使面，应该有保证卦。餐厅仲好贴心咁可以帮你开埋只龙虾，咁就算唔系阿太都可以保持优雅咁啖啖肉喇！跟住再嚟招牌脆皮烧鸡，皮脆肉嫰。加埋个松露gravy。真系唔错呢，招牌得有道理！最后最后，梗系要食埋甜品先够完满。tiramisu饼底唔错，浓浓嘅Kahlúa味，无呃秤！虽然话啲嘢食只系中规中矩，但坐得舒服又就脚，系唔错嘅。