水門泰式海南雞飯專門店 (已結業)

夏日炎炎，日日天气都咁热，搞到个人都冇乜胃口，呢啲天气最好食泰国嘢，一个人就食得唔多，于是就上西九龙food court 逛逛，上到8楼food court 一出lift门,就见到一个光猛整洁嘅水牌，最吸引系写住水门，去过泰国嘅人都知道海南鸡饭喺水门最出名，见价钱唔贵，一于试一试！泰国厨师煮泰国嘢是常识😆鸡肉滑嫩，鸡油饭唔太油，酱调得好出色，唔太辣好有泰式风味，三样野配合埋一齐，好味饮品有青柠梳打，见佢哋用泰国梳打水，仲要只系$8蚊，谂都唔使谂、立即叫一杯，青柠汁一早渣定放杯内、倒入梳打水，简直消暑解渴👍🏻值得一赞，食完唔会好颈渴，即系食物冇落味精！食得好舒服，好有至身泰国食海南鸡嘅感觉！下次想起泰国，一定再去食！