影片
更多
2009-04-12
10 浏览
11-4-2009由「大西北」折返市区, dinner 决定到荃湾搞掂, 拉了朋友0黎到自己期待已久的呢间越南餐厅 (点解: http://forum.openrice.com/forum/viewthread.php?tid=1124&extra=page%3D3), 0黎到门口已超兴奋! 先0黎朋友的椰青, 清甜度 ok, 但完全唔冻的, 个人而言接受唔到. 小食系「黑芝麻炸虾卷」, 即春卷皮混入黑芝麻粒, 卷入海虾拎去炸, 可用生菜包住 and/or 蘸酸甜鸡酱食 -- 食了几件连虾尾的, 炸得脆口无油, 可以食埋虾壳! 海虾肉亦鲜味结实爽口, 再包生菜及甜多过酸的泰式鸡酱, 正! 唯一要弹的就系 d 生菜, 唔系块块都完全新鲜, 感觉一般.主食拣了期待已久的 (无辣版)「越南檬要」-- 0系其他地方食过蕃茄及虾酱煮成的「檬饶」汤底, 呢度仲多了蟹的鲜甜, 先饮到蕃茄的酸甜, 再嗒到海鲜独特的浓甜及虾酱香, 劲正! 又因为 d 汤太正, 檬粉索晒 d 汤, 又系劲正 配料有爆晒羔的原只 (奄仔?) 蟹,「溶」晒的蕃茄, 通菜, 炸过的蒜粒, 大量葱花, 洋葱及鹅蒂
由「大西北」折返市区, dinner 决定到荃湾搞掂, 拉了朋友0黎到自己期待已久的呢间越南餐厅 (点解: http://forum.openrice.com/forum/viewthread.php?tid=1124&extra=page%3D3), 0黎到门口已超兴奋!
先0黎朋友的椰青, 清甜度 ok, 但完全唔冻的, 个人而言接受唔到.
小食系「黑芝麻炸虾卷」, 即春卷皮混入黑芝麻粒, 卷入海虾拎去炸, 可用生菜包住 and/or 蘸酸甜鸡酱食 -- 食了几件连虾尾的, 炸得脆口无油, 可以食埋虾壳! 海虾肉亦鲜味结实爽口, 再包生菜及甜多过酸的泰式鸡酱, 正! 唯一要弹的就系 d 生菜, 唔系块块都完全新鲜, 感觉一般.
主食拣了期待已久的 (无辣版)「越南檬要」-- 0系其他地方食过蕃茄及虾酱煮成的「檬饶」汤底, 呢度仲多了蟹的鲜甜, 先饮到蕃茄的酸甜, 再嗒到海鲜独特的浓甜及虾酱香, 劲正! 又因为 d 汤太正, 檬粉索晒 d 汤, 又系劲正 配料有爆晒羔的原只 (奄仔?) 蟹,「溶」晒的蕃茄, 通菜, 炸过的蒜粒, 大量葱花, 洋葱及鹅蒂, 十分丰富. 十分好食的一碗檬要 / 檬饶, 极力推介!
朋友独食的「淀粉质主食」就系「马拉盏猪颈肉海鲜炒饭」, 卖相极靓, 特别系面头两只大虾 朋友评语系「无你个檬粉咁浓味, 但炒得好香」, 但又好客气地将两只大虾请了我食, 哈哈. 不过呢碟饭份量实在劲大, 朋友食唔够一半已投降兼要打包了.
唔知系咪见我0地拎住大细相机不断喂喂喂, 老板娘 offer 请我0地食 $1 烧鱿鱼, 条件系报上名来及留低手机号码收宣传 sms, 一场0黎到即管又试试 -- 即叫即烧, 软熟弹牙, 鲜甜又带点辣, 再蘸少少鱼露, 又几好食.
食物好掂, 招呼亦好, 老板娘好客又带点「豪迈」, 哈哈; 不过 4 人卡位都几窄, 2 人坐 ok, 4 人就有 d 难度了.
连加一每人约 $100, 好食又食得饱饱, 食得好开心的一餐饭!
张贴
