昌發泰國粉麵屋

营业中

休息中

当冇钱去旅行，但系又身痕，你会点解决？我会去九龙城扮去泰国旅行。九龙城简直系一块福地，能够满足晒你想去泰国嘅欲望。先嚟个泰国人泰式按摩，然后食个芒果糯米饭，再去泰国小店Shopping，仲可以去生果档买榴梿，最后当然系食泰国菜医医肚啦！昌发系其中一间好钟意嘅泰国菜。通常都要等位，除非好似今日咁夜啲9pm先去。今晚简简单单食咗少少嘢：生虾刺身，马拉盏炒芥兰，龙眼冰。生虾刺身绝不欺场的前菜，只只生虾都又厚肉又爽甜，中间开边连生蒜食，又辣又爽真系好过瘾。而且灵魂在于鲜鱼露，中间切碎嘅辣椒一食就辣到冇朋友。越辣越想食，次次都食到咀唇痲痺。马拉盏炒芥兰逢吃泰菜必食！咸咸香香镬气十足，芥兰新鲜，条条都脆卜卜，炒埋一碟好惹味。师傅刀工亦不错，每条都厚而短，容易入口。份量亦足够，唔会唔够食。龙眼冰饮品有点失色，冻饮旨在止辣。全杯都是罐头龙眼加糖水，而且超多冰，不喝也罢。