影片
更多
2016-10-28
1025 浏览
大概年初曾到访过观塘工厦嘅K2食饭，记得当时嘅总结喺食物称心，服务贴心，价钱合心，喺一家平易近人嘅欧陆餐厅，所以，今晚同朋友嚟食饭聚旧就绝对唔使担心。由于之前嚟过，所以，环境方面就唔多描述，睇番小弟之前嘅写评就清楚晒，放番一两张当晚环境相交待吓就清楚晒。可能闲日关系，是夜客人唔太多，加上被安排坐晌餐厅一角，更静局方便我哋倾偈。翻一翻餐牌，应该跟之前嘅差唔多，头盘、汤品、小食、主菜、甜品及饮品。上次嚟，就拣晚市套餐，因为最划算。但喺，今回则晌主菜类当中拣，因为凡惠顾主菜，可以+$48转套餐（头盘、汤、甜品、餐饮），而头盘、汤都喺晌番晚市套餐度拣，更为吸引。香芒鲜果虾沙律配青柠泡沫无谂过份头盘竟然咁大份，定价单卖收$48都唔止啦，而家仲只喺加$48就变成套，抵到无朋友。更甚嘅喺个沙律无hea做，生果好鲜甜，冻虾又爽口，整道沙律够晒冰凉清新，至于啲青柠泡沫确嗒到青柠味，不过，用作加添卖相靓仔啲多过增加食味，哈哈！自家制巴马火腿猪手冻批另一道头盘同样估唔到份量咁足，个自家制冻批好唔错，形式有啲似沪菜嘅肴肉，不过，加入巴马火腿，多添几分咸香，而且，佐以煮过嘅黑醋，配搭起上嚟确喺好食。鲜蟹肉粟米茸
由于之前嚟过，所以，环境方面就唔多描述，睇番小弟之前嘅写评就清楚晒，放番一两张当晚环境相交待吓就清楚晒。可能闲日关系，是夜客人唔太多，加上被安排坐晌餐厅一角，更静局方便我哋倾偈。
翻一翻餐牌，应该跟之前嘅差唔多，头盘、汤品、小食、主菜、甜品及饮品。上次嚟，就拣晚市套餐，因为最划算。但喺，今回则晌主菜类当中拣，因为凡惠顾主菜，可以+$48转套餐（头盘、汤、甜品、餐饮），而头盘、汤都喺晌番晚市套餐度拣，更为吸引。
香芒鲜果虾沙律配青柠泡沫无谂过份头盘竟然咁大份，定价单卖收$48都唔止啦，而家仲只喺加$48就变成套，抵到无朋友。更甚嘅喺个沙律无hea做，生果好鲜甜，冻虾又爽口，整道沙律够晒冰凉清新，至于啲青柠泡沫确嗒到青柠味，不过，用作加添卖相靓仔啲多过增加食味，哈哈！
香芒鲜果虾沙律配青柠泡沫
35 浏览
2 赞好
0 留言
自家制巴马火腿猪手冻批另一道头盘同样估唔到份量咁足，个自家制冻批好唔错，形式有啲似沪菜嘅肴肉，不过，加入巴马火腿，多添几分咸香，而且，佐以煮过嘅黑醋，配搭起上嚟确喺好食。
自家制巴马火腿猪手冻批
25 浏览
2 赞好
0 留言
鲜蟹肉粟米茸汤虽然蟹肉唔喺好多，但味道胜在食得出几鲜，而且，个汤嘅粟米味好浓郁，好香，兼且好柔滑，非常有水准嘅出品。
鲜蟹肉粟米茸汤
23 浏览
1 赞好
0 留言
上次嚟嘅厨师餐汤又喺南瓜汤，南瓜汤个口感同样做到滑溜细致，又好香南瓜味，简简单单配条脆饼干条，一样称心。
澳洲和牛伴独子黑蒜及喜玛拉雅山矿物盐 $298（优惠价$198）主菜有廿款选择之多，各种肉类、鱼类，以及意大利饭及扁意粉……等等一应俱全，定价由$98-$298，正所谓丰俭由人。原打算叫羊仔鞍，不过，店长话个澳洲和牛做紧推广，只要晌官方FB俾个赞，就可以以优惠价$198享用，贪小便宜嘅香港人好受依套。一客和牛估计应有8安士重，要咗五乘熟，切开一睇，粉嫩色透，入口可以讲嫩滑无渣，沾少少矿物盐吊味已好足够，外层又带焦香。伴菜亦做得好精致，木耳、车厘茄、白萝卜、西兰花，配上一啲青豆蓉、南瓜蓉。
澳洲和牛伴独子黑蒜及喜玛拉雅山矿物盐
$198
31 浏览
1 赞好
0 留言
香煎原条龙脷 $138叫得原条龙脷，就梗唔喺平常𠮶啲雪藏雪到「硬堀堀」嘅鱼柳啦，条龙脷有成只碟咁大，而且，煎得色泽金黄，够晒霸气。鱼肉煎得非常甘香，做到皮脆肉嫩，沾少少柠檬酱，清新味鲜。
香煎原条龙脷
19 浏览
2 赞好
0 留言
跟套餐所送嘅甜品，虽然普通啲，只喺一般慕丝蛋糕，但卖相砌得咁靓，加两粒花形棉花糖，变得好萌，而蛋糕嘅味道本身都唔错，只嫌雪得有少少硬咗。
最后一边饮住奶盖红茶，一边继续谈天说地，过咗一个愉快晚上！
顺带一提，晌度食饭免开瓶费、免切饼费，但需加一服务费，更欢迎包场。与朋友嚟庆祝一下，又或为朋友庆生，K2绝对喺一个不错的选择。
临走时仲拎咗张单张睇睇，晚餐有早鸟优惠，不过，要8:00pm前结帐离座先享用到9折优惠，较适合晌附近做嘢嘅「工友」！
张贴
