影片
更多
2022-08-14
4163 浏览
想吃怀旧菜，要价钱合理又好味，真系越来越难揾，岭南会所乎合晒以上要求，不过由于系会所，必须要会员才能订枱。今晚一行七人 ，一早预订了菜单，所以可以轻轻松松坐低就有得食。清酒冰镇鲜鲍鱼，鲍鱼煮得啱啱好，林滑得嚟又有口，清酒卤水味道适中，值得一试！高汤蟹肉冬瓜盅，呢个时候食冬瓜盅最合适，而且呢度选用嘅冬瓜系大冬瓜，配料又丰富，清甜可口。上汤龙虾煎米粉，呢个一定要试，外边酒楼一般都系配伊面，呢度用米粉，相对冇咁肥腻，而且煎过嘅米粉，索晒啲汁，真系好好味。加上龙虾啖啖肉，上碟时摆番只龙虾造型，色香味俱全。黑松露酥炸桶蚝，我每次同家人来食呢味𩠌，可能有十二三人，都系预左每人一只。唔知点解，今次我哋七个人，写菜单嘅时候，无特别注明，但竟然上枱时系咁大碟，每人有三只，只蚝又肥美，鲜嫩多汁，加埋黑松露一齐炸，好惹味！仁稔蒸鱼云，挂住食，唔记得影相😅。一般蒸鱼云，通常用蒜头豆豉蒸，但系今次用仁稔蒸，第一次食，带有少少酸酸甜甜，好开胃。因为今次饭局主题系想食怀旧菜，呢味𩠌真系值得推介比钟意食鱼云嘅朋友仔要试吓。虾子柚皮扣鹅掌，既然要食怀旧菜，呢道菜就真系不二之选，虽然材料唔喺好矜贵，但系做嘅功夫一啲都唔
今晚一行七人 ，一早预订了菜单，所以可以轻轻松松坐低就有得食。
清酒冰镇鲜鲍鱼，鲍鱼煮得啱啱好，林滑得嚟又有口，清酒卤水味道适中，值得一试！
高汤蟹肉冬瓜盅，呢个时候食冬瓜盅最合适，而且呢度选用嘅冬瓜系大冬瓜，配料又丰富，清甜可口。
上汤龙虾煎米粉，呢个一定要试，外边酒楼一般都系配伊面，呢度用米粉，相对冇咁肥腻，而且煎过嘅米粉，索晒啲汁，真系好好味。加上龙虾啖啖肉，上碟时摆番只龙虾造型，色香味俱全。
黑松露酥炸桶蚝，我每次同家人来食呢味𩠌，可能有十二三人，都系预左每人一只。唔知点解，今次我哋七个人，写菜单嘅时候，无特别注明，但竟然上枱时系咁大碟，每人有三只，只蚝又肥美，鲜嫩多汁，加埋黑松露一齐炸，好惹味！
仁稔蒸鱼云，挂住食，唔记得影相😅。一般蒸鱼云，通常用蒜头豆豉蒸，但系今次用仁稔蒸，第一次食，带有少少酸酸甜甜，好开胃。因为今次饭局主题系想食怀旧菜，呢味𩠌真系值得推介比钟意食鱼云嘅朋友仔要试吓。
虾子柚皮扣鹅掌，既然要食怀旧菜，呢道菜就真系不二之选，虽然材料唔喺好矜贵，但系做嘅功夫一啲都唔少，而且柚皮吸收晒汁料嘅精华，加埋炆得好林滑嘅鹅掌， 真系一味值得叫嘅𩠌菜，冇得输！
啫啫棠生菜，一餐饭都要食得均衡，所以菜蔬方便，简简单单叫个啫啫棠生菜。味道中规中矩。
莲子百宝鸭，相比对上一次喺另一地方食过嘅八宝鸭，呢只鸭嘅卖相都几靓，里面嘅材料都好丰富，不过只鸭实在太大只，最后为免浪费食物，当然要带番屋企。。。
自选甜品 可以拣红豆沙，芝麻糊，凉粉配雪糕，雪糕三种味道都好好味，包括香芋，椰子，芒果。香芋味道好浓郁，要推介！如果喜欢食椰子味雪糕，呢个都唔会令你失望，芒果味好有儿时嘅回忆，真系好想问佢地系用边只牌子嘅雪糕😅
张贴
