博多拉麵別天神 (已結業)

话说迟吓会去博多旅行，去之前试返个香港版博多拉面比较下先😂 而且系黄店，要多多支持。同朋友叫咗两个套餐：虾味噌豚骨汤面配小龙虾蟹子沙律 $115别天神豚骨汤面配饺子 $105虾味噌豚骨汤面有好香嘅虾味，上面仲有一堆樱花虾，配料有粒粒粟米同好多葱，仲有溏心蛋同叉烧三块，肉质唔肥。豚骨汤面奶白色嘅汤底好香浓，面软硬适中，夹埋木耳一齐食好有口感。小龙虾蟹子沙律嘅沙律酱有少少wasabi味又甜甜地唔辣，仲食到好多粒小龙虾，食落去好清新。包住紫菜食更具风味。饺子皮薄，内馅好juicy，如果再煎香脆啲更佳。店内装潢有日式拉面风格，一边食一边有日文歌听。仲有自助售卖机，可以用八达通/信用卡比钱，好方便！