Salamat Cafe (已結業)

天气好靓，好想坐outdoor ,但无奈outdoor已full , in door 好细，台已经好细张，侧边系厨房，staff 行嚟行去出餐，好扰民，点咗个chicken burger 卖想非常靓，不过唔系我想像中咁好味，先食薯条，有紫菜喺面，又炸得香，配茄酱同辣酱，like , 则边有蟹钳，完全无蟹肉味，得啲粉，个burger 睇落好靓，鸡扒都好大块，可惜鸡扒炸到过咗火位，好干，上面嘅烟肉系无煎香，所以唔吸引，对我嚟讲最大问题系已落咗沙律酱，我本人唔太钟意食沙律酱，所以我差唔多成个包都无食。朋友order咗个魔鬼鱼，香港真系唔多地方有魔鬼鱼食，我人生都系第二次食，所以值得一赞，share咗少少试下，个汁几惹味，鱼都整得几香。例牌点我最爱嘅mocha ,跟餐要加19蚊，上埋杯咖啡张台完全无位，真心细同坐得唔舒服，旁边冲咖啡又好嘈，完全破坏假期心情同靓天气，食食下望倒门囗仲要贴住张纸繁忙时间用餐时间系45分钟，我一向好讨厌限时嘅餐厅，只想快啲食完快啲走。