Pranzo (已結業)

同朋友贪平，用六折app价钱食咗一餐每人＄147嘅晚餐。一份＄298嘅牛扒，一份＄128嘅Parma rocket沙律，一份＄198嘅白酒blue mussel。沙律份量得小，白色薄薄嘅火腿，淡得嚟系冇平时Parma 咸香嘅味道，虽然份量少，加咗醋都尚算可以。个青口嚟到嘅时候空气弥漫着一股烧㶶豉油味，一食落口完全系中式豉油味仲要系超咸，莫期望有白酒。再食多一粒感觉依然系咸咸咸，所以只好退货，真系食唔到。最后嘅牛扒主角出场，睇个样系冇问题，啲薯条都尚算内软外脆，点不知试第一啖牛就出事，本来呢间餐厅只值5分，现在即刻打到落0分。呢种肉味好难形容，我个朋友可能鼻塞食唔出，但系本人对肉嘅质素都算有要求，佢唔系用梳打粉拿到软林林𠮶一种，佢系有一种反覆多次雪藏同解冻嘅雪味，再加类似喺室温放左好耐开始进行腐烂嘅味道。冇他，折头换走咗质素，我无语。