屋子 (已結業)

实话实说：环境靓嘅，有用心整过，但系食紧嘢𠮶阵有只蚊飞来飞去。甜品真系OK唔错，叫咗两个PC狗蛋糕，我觉得都好好食，开心果酱好浓郁。但系将军澳呢间真系唔知点解水准差D？我第一次食大围𠮶间分店，叫咗个三𩠌定食，我觉得几好食，亦都够味，但系今次将军澳真系差咗啲，首先个蕃茄奶油炖鸡无论系肉定系汁都系非常淡非常水，鸡肉质地都系普通，白饭都系平平无奇，个中华沙律都系好普通，完全对唔住成百蚊嘅价钱。跟住我朋友叫咗𠮶个豚肉拉面，我食咗佢一块猪肉叉烧，啲猪肉韧到一个点，仲有一旧咬唔烂嘅筋（？），我就冇食到佢个面，但系听朋友讲话好咸。一个又咸一个又淡，唔知想点。我宁愿食一汁一菜（观塘某间日本定食餐厅）我哋边食就边吐槽，好彩最后食返个靓甜品救返心情。甜品虽然好食，但系都成百蚊一个（因为系合作甜品），所以都系唔抵食。所以有一个结论，就系下一次食屋子净系食甜品好啦🙏🏻睇吓佢未来会唔会进步啦。