影片
更多
2016-07-16
7376 浏览
今日已经系7月16号，但我竟然写返6月30号一次喺扒房Harbour Grill嘅用餐经历，主要系因为两日前，试过某O字头连锁扒房餐厅嘅安格斯牛扒后，发现呢间嘅牛扒真系好味好多，决定为佢写一篇。由于自小戒牛，好近期先破戒，Harbour Grill就成为我第二次食牛嘅地方。朋友一早订好枱，当穿过酒店lobby同食buffet嘅一大班人，行到尽头后，就系呢间小小的宁静扒房角落。当日天朗气晴，走过buffet范围时，阳光透过一大片落地玻璃恣意倾泻，好不刺眼，但一入到扒房，佢地采用咗过滤紫外线嘅落地玻璃，可以舒适地望向出面嘅蓝天白云兼海景，夫复何求！既有靓景，不如再食好西锦上添花？我同朋友都选择喺set lunch之上再加100蚊，转食酒店嘅美国牛扒，我点咗全熟，而友人则点咗四成熟。牛扒端上嚟嘅样是咁的，都算大块同厚身，并以数条焗薯皮伴碟，卖相不俗。本人觉得牛扒嘅味道相当唔错，(界刀)成十字嘅位置稍有炭焦香味，肉质嫰滑易咬。不过由于点咗四成熟嘅朋友，佢块牛扒远远比4成熟得多，估计约6至7成，所以我喺味道选项扣咗餐厅一分。至于促使我打呢篇食评嘅O字头餐厅，块牛扒我食咗约7成后，开始咬得有啲辛苦
由于自小戒牛，好近期先破戒，Harbour Grill就成为我第二次食牛嘅地方。朋友一早订好枱，当穿过酒店lobby同食buffet嘅一大班人，行到尽头后，就系呢间小小的宁静扒房角落。当日天朗气晴，走过buffet范围时，阳光透过一大片落地玻璃恣意倾泻，好不刺眼，但一入到扒房，佢地采用咗过滤紫外线嘅落地玻璃，可以舒适地望向出面嘅蓝天白云兼海景，夫复何求！
既有靓景，不如再食好西锦上添花？我同朋友都选择喺set lunch之上再加100蚊，转食酒店嘅美国牛扒，我点咗全熟，而友人则点咗四成熟。牛扒端上嚟嘅样是咁的，都算大块同厚身，并以数条焗薯皮伴碟，卖相不俗。
本人觉得牛扒嘅味道相当唔错，(界刀)成十字嘅位置稍有炭焦香味，肉质嫰滑易咬。不过由于点咗四成熟嘅朋友，佢块牛扒远远比4成熟得多，估计约6至7成，所以我喺味道选项扣咗餐厅一分。至于促使我打呢篇食评嘅O字头餐厅，块牛扒我食咗约7成后，开始咬得有啲辛苦，最尾𠮶几块冇o赵到足就吞落肚，即使系味道方面，亦冇如Harbour Grill牛扒嘅炭焦香味。至于set lunch内嘅头盘同小食等，质素同样不俗，鸡肉冻配多士、炸虾田园沙律等都有酒店级水准(咁餐厅又的确置身于酒店内……)，加上服务尚算殷勤，对住美景、食住美食，谈谈笑笑，又点会畀低分呢间餐厅呢？
张贴
