潮樂園 (已搬遷) 新店位置

食午饭时，我同大少讲我想食卤水鹅，附近有间潮乐园，不如去试下。大少已经提醒我，唔好咁大期望。舖仔细细，只得4个位。 有如一般卤水店，里面有鹅片，鹅肉，鹅肠等等嘅卤水食物。本来我想食卤水鹅拼鹅肝饭，佢话鹅肝无得拼，咁我唯有放弃，只系叫咗鹅肠拼卤水鹅饭。少爷叫咗沙姜鸡饭。每碟饭都有跟潮州咸酸菜，同埋卤水豆腐垫底。望落去份量有啲小，我问大少好唔好食，佢只系话份量比较少。我估佢呢一餐都系食唔饱㗎啦。我碟卤水鹅拼鹅肠饭，啲卤水鹅好多骨，冇乜肉，鹅肠就好干净但系漂都冇乜味。唔怪得知大少提醒我，叫我唔好对佢哋有期望。我只可以讲价钱街坊价，当普普通通食一餐颓饭。