影片
更多
2009-02-17
35 浏览
今餐我都系呃饭食拉车边稍为一额汗险过乜乜乜的一餐晏仔…随大队中其中一位的意愿想一尝咩叫小南国就有共识三人一致决定今餐就小南国吧！scenario—三人都第一次食㖞！另外两位食饭就什为随缘唔会话特别标签咩食肆该帮趁或该出局，而我就约三、四年前与某书友闲谈时久仰这食肆，因为当时朋友仔hons fresh grad第一次出粮豪请冚屋企cwb分店开饭咁啦！当时佢俾我的参考口碑不俗的，而对方与我口味相近，但因为食过比我多好佳肴而比我更更挑食。因为话晒第一次唔洗去咁尽，最后掀匀成本menu就选了以下的套餐来小试牛刀。我们选了A餐的原因其一系胜在菜式分布平均可试匀各基本鱼肉瓜菜的各功架如何，其二都因为深明一般食肆都是拉上补下的策略基于其中一样材料特别矜贵一点就稍为将价格膨胀以致其余菜式只是担当配角。江南前菜双拼<特色熏鱼vs.百页卷—我先食百页卷就先谈它吧！它望落翠绿配上白色的卷皮很美很清新有春天感觉，食落口有点像香叶，那股香味像似曾相识，但想不起确实名字，只是依稀记得越南或印度的正餐或fusion菜式遇过，另两位就觉得是荠菜，乜家伙！﹗不过这卷当时不存温度，究竟正常系咪暖食定点架！？至于配
随大队中其中一位的意愿想一尝咩叫小南国就有共识三人一致决定今餐就小南国吧！
scenario—三人都第一次食㖞！另外两位食饭就什为随缘唔会话特别标签咩食肆该帮趁或该出局，而我就约三、四年前与某书友闲谈时久仰这食肆，因为当时朋友仔hons fresh grad第一次出粮豪请冚屋企cwb分店开饭咁啦！当时佢俾我的参考口碑不俗的，而对方与我口味相近，但因为食过比我多好佳肴而比我更更挑食。
因为话晒第一次唔洗去咁尽，最后掀匀成本menu就选了以下的套餐来小试牛刀。我们选了A餐的原因其一系胜在菜式分布平均可试匀各基本鱼肉瓜菜的各功架如何，其二都因为深明一般食肆都是拉上补下的策略基于其中一样材料特别矜贵一点就稍为将价格膨胀以致其余菜式只是担当配角。
江南前菜双拼<特色熏鱼vs.百页卷—我先食百页卷就先谈它吧！它望落翠绿配上白色的卷皮很美很清新有春天感觉，食落口有点像香叶，那股香味像似曾相识，但想不起确实名字，只是依稀记得越南或印度的正餐或fusion菜式遇过，另两位就觉得是荠菜，乜家伙！﹗不过这卷当时不存温度，究竟正常系咪暖食定点架！？至于配搭的熏鱼本来就几开胃好味的，味道亦不腥，挑鱼食的我觉得煮法很ok，只是有点吊诡，微温架啰！-_--
清炒河虾仁—色泽粉嫰通透，口感爽口弹牙，细细只剥得几四正，都尚算叫鲜味，不过又系微温架啰！[喂，下午一点二开始入座再第二碟上的菜咋！讲繁忙都未晚巿，唔系要煮定俾我咁冇品下话！？]
砂窝云吞鸡汤—睇图睇晒，云呑、鸡肋、菜脯各一。云吞食得出唔系超巿雪藏点心，鸡肋冇食，因为本人医院食到惊劲怕食鸡翼，至于白菜脯食出系胀卜卜很青春系一条靓菜，不过想讲话又系暖啰！[阁下摄时间我唔介意阁下睇至文末]
香酥鸭—睇到金黄色以为炸得靓，不过食落口已稔又冻又唔脆。不过它系像北京田鸭咁用粉皮点酱包京葱食，我相信热食会更好feel！相比蛮记得上次翡翠的毛蟹那dish很好味呀！
胜瓜炒菌丝—胜瓜青翠但唔热啰！献汁都食得出ok，菇菌亦食唔出霉臭味，但店方自己系都要唔争气就唔关我事。
招牌小笼包—肉馅系就系嚼江南级数，不过人家劲热辣辣烫口，这款只系比上述其余的微温只是多了少许温度而已。似乎翡翠拉面的小笼包正常价钱店如其名赢成条街噃！
雪梨雪耳糖水—微温啰！咁有红萝卜粒、雪耳啰！食得出雪梨味，甜度适中啦！不过妈妈同契妈煲得好饮过这里咁啦！
食后感：
我全文上述的所谓微温系温水饮得落口咙或室温摊凉了中式汤那种感觉，虽然温度系个人性，不过除了三人一致同感系煮定感觉，或者我用像在公司未叮由家中准备的食物盒盒会较易想像feel到那感觉！
或许阁下会奇怪我做咩食了几道菜都可以忍住唔出声，话明我系业余康乐性质咁做observer take重点忆述节录是次历来食饭的体验嘛！出左声或我上网周围贴自己肉照俾人点相即系我自招麻烦，我讲过要take capture只可人在明我在暗才可作准，通晒天既野系睇唔到虚实啰！我明实会有人话我贱格，不过咩叫长厢厮守咩叫雾水清缘的分别就系一面之缘的第一印象可以狠批，长厢厮守系有感情分有bias啰！
谂紧俾ok定喊面，虽然我食晒落肚系唔应该俾喊面，不过我觉得一间食肆除了要食物如招牌耍家才有资格改那个店名外，其次干净度系要经过n个厨房要员那双手系较难配合外，其实保持食物的基本卖相同温度系基本礼貌同对佢自己店面的尊重啊！
三人共$357
最后店方就唔系因我的咀脸表情而俾问卷我嗔，纯粹取经而已。不过我有俾温度意见，系咁易填了些许文字，当然一律员工态度有求必应有礼，只系菜肴无故接二连三出现灵异的不争气，背后的原因职员们各人心中有数咁啦！我食饭而已。纯粹个人闲情发文寄趣就冇收钱，适逢值得一齐分享就当倾谈咁咋！
茶味道应该同嚼江南差不多，前菜尚可。
note1—套餐A($265)
江南前菜双拼<特色熏鱼vs.百页卷>
清炒河虾仁
砂窝云吞鸡汤
香酥鸭
胜瓜炒菌丝
招牌小笼包
时令糖水<今餐系雪梨雪耳糖水>
note2：套餐B($318)
江南前菜双拼<金瓜丝海蜇vs.四喜烤面>
干烧大明虾
荠菜鲜鱼羹
稻草肉荷叶饼
百页小棠菜
时令糖水<ditto>
张贴
