影片
更多
2021-09-17
46 浏览
想系呢区食印度菜，唔一定要去重庆大厦嘅，友人今次又带我去食好嘢，就系呢间啦，用一樽樽唔同香料试管黎布置门口位，绝对代表到印度菜嘅特色店内装饰有别于传统印菜餐厅，黄铜餐枱配上蓝黄色丝绒/皮椅，中间大投影幕播住Bollywood Hit Songs，我地被安排坐窗口位，望到街景感觉开扬餐牌上提供由小食/汤/沙律/咖哩/主食/素食/甜品到饮品，印度菜名下都有英文讲解下大致上系咩黎，若果有埋相片就可能仲易理解! 睇唔掂都唔怕，佢地嘅侍应好乐意介绍菜式，仲用电话GOOGLE埋个样比你睇，超有耐性!首先出场系呢碗Tamatar aur Tulsi ka Shorba ($58)，睇英文解说系用新鲜蕃茄加入罗勒煮成嘅汤，味道因有少许忌廉系面增加香滑感，浓浓蕃茄味又够热度，好味呀.................同好想要一个餐包呀!!呢客系侍应推介嘅Dahi Golgappe ($68)，6粒波波仔一字型排开，造型相当趣致香炸外皮，内里有薯仔，洋葱及乳酪，入口清凉，一咬酸甜乳酪系口腔内爆破，相当有惊喜，作为开胃菜都几得!Samosa即系印度咖哩角，呢度提供Lamb Samosa ($78)，一客三大
店内装饰有别于传统印菜餐厅，黄铜餐枱配上蓝黄色丝绒/皮椅，中间大投影幕播住Bollywood Hit Songs，我地被安排坐窗口位，望到街景感觉开扬
餐牌上提供由小食/汤/沙律/咖哩/主食/素食/甜品到饮品，印度菜名下都有英文讲解下大致上系咩黎，若果有埋相片就可能仲易理解! 睇唔掂都唔怕，佢地嘅侍应好乐意介绍菜式，仲用电话GOOGLE埋个样比你睇，超有耐性!
首先出场系呢碗Tamatar aur Tulsi ka Shorba ($58)，睇英文解说系用新鲜蕃茄加入罗勒煮成嘅汤，味道因有少许忌廉系面增加香滑感，浓浓蕃茄味又够热度，好味呀.................同好想要一个餐包呀!!
呢客系侍应推介嘅Dahi Golgappe ($68)，6粒波波仔一字型排开，造型相当趣致
香炸外皮，内里有薯仔，洋葱及乳酪，入口清凉，一咬酸甜乳酪系口腔内爆破，相当有惊喜，作为开胃菜都几得!
Samosa即系印度咖哩角，呢度提供Lamb Samosa ($78)，一客三大只
切开一半，羊肉味已经飘出黎，羊肉碎加入香科作饀料，带点厚度嘅外皮香脆，食一只都饱咗少许，加入送上嘅薄荷酱汁一齐食，加一点清新味道
食印度菜又点少得咖哩类，点选咗Goan Curry Fish ($138)
咖哩香味相当出，但又唔系几辣，鱼块量都好大方，单食都可以
咖喱嘅好拍档Butter/Garlic Nan ($38)一齐上场，一客三大块，油润又略大少少焦香位，入口烟韧，蒜味比较温和，被咖喱汁抢过了风头。
个人推介呢客Chicken Biryani ($128)，外观似我地嘅生炒糯米饭，无谂过系咁大份量，足够3人享用，饭多之余仲有几旧大鸡件
另有乳酪可捞落饭或点鸡肉食
选用Basmati 长米，系印度餐厅必吃嘅靓米，上网查过 Basmati米呈长瘦形，越长越贵，拥有与众不同的坚果香气，即使多吃亦不觉得腻。 饭粒炒得几干身，超有口感，加入几种印度香料，微辣得黎又惹味!
呢度嘅饮品选择比较特别，除咗烈酒啤酒外，亦有鸡尾酒及无酒精鸡尾酒，可以上嚟饮返杯先开餐都得，想揾特式印度饮品例如Mango Lassi， 抱歉...系揾唔到嘅! 叫呢杯Ice Lemon Tea ($28)，鸡尾酒般外型，淡淡茶味，味道带微酸，中和呢餐嘅重口味道!
疑似经理除咗态度亲切，临尾仲问我地想唔想试下佢哋自家制嘅雪糕? Why NOT?! 就系呢客啦，外观似系雪硬咗嘅菠萝，入口带有淡香奶味，少甜，仲加入咗几款果仁碎，增加口感，改观咗对印度甜品系好甜嘅印象!
呢间印度新式餐厅坐得舒服，无论食物及服务都相当唔错，价钱唔系贵，绝对有回头!
张贴
