幸福鳥 (太古城中心)

营业中

休息中

同同事黎试下呢间新餐厅，见佢咁多人以为好好食，但真心唔值呢个价。我叫咗个串烧六盛，有汤有前菜有饭同茶，加野饮要再加钱。食得饱，但唔系特别好食。个冬菇烧得算系好，唔会太干身，咬落仲有少少汁。但其他真系唔ok，串烧嘅酱汁好重要，佢啲肉根本唔够汁，要自己加豉油先够味，个免治鸡肉串好松散，食落无乜咬口，鸡软骨同鸡肉好似唔太混合，有待改善。鸡翼还好，因为系盐烧，所以唔存在唔够酱汁嘅问题，但如果加埋要接近两旧水真系不会拣。最大问题系你一食完就催你埋单，我地坐左一个钟都无，会唔会急咗啲？