海底撈火鍋 (海之戀商場)

营业中

休息中

第一次食海底捞听闻服务好味道好，一次试试佢，前一日打嚟订座都有位，中午准时去到，见到无乜人。我地个侍应叫小林，系几有礼貌，好用心服务，见到我大肚仲送左礼物比我地，系一对鞋仔同埋D零食，都几好。汤底我拣左麻辣、酸菜、蕃茄同清汤，用来煮面（我嗌左宽粉条同面）好好食，但我觉得其他食物质素真系唔得啦，芝士肠居然系杂唛牌，唔系金妹牌，好难食，牛肉丸咬落都系粉，唔系潮州牛丸，系得炸鱼皮好少少，最满意居然系呢样。至于牛肉同猪肉，质素都系不过不失，响铃系最普通街市都买到一PACK PACK𠮶种，其实同D任食质素差唔多，不过价钱就收你贵好多，埋单$647。我觉得要拣服务既话可以去，因为真系令我觉得好舒服，侍应不断帮手FILL 汤底、FILL 野饮咁，但要好食呢，就唔使去啦。