大門食堂 (德福廣場) (已結業)

今日（9月28日）晏就午饭时间见到一间叫大门食堂既日本菜，价钱尚算平民化 ，亦见到门口有好多人等紧位 ，谂住试下系咪真系咁值得排队去食啦，点知食到我一把火咁走。 我点单叫左一个豚肉炒野菜定食，要等成半个钟至四十五分钟先有得食，我得一个钟食饭时间，搞到我要食到好急赶翻公司。事情大约系我一个人坐吧枱，1点左右落单叫左个豚肉炒野菜定食，大约15-20分钟都见附近既客人陆续都有食物到，就叫楼面位姐姐帮我追食物，我听到厨师（高大带黑色帽的男人）回应楼面姐姐:「你地钟意蓄单啊嘛，系咁架啦！」但我见到厨房里面有4个人，其余同事都有野做紧，唯独系炒菜个边既金发男生可以系厨房入面玩到手舞足蹈，明明系有空余时间系到玩，但可以唔做客人既单，我真系对大门食堂好失望，原来繁忙时间时侯厨房员工可以玩到唔理客人既Order，钟意做单就做单，忙就揾客人出气，我身为客人见到呢个情况亦都非常之嬲，楼面姐姐已经帮我催单 ，但厨房员工可以因为斗气而唔做单，蓄意令客人等待，我想讲咁样真系好幼稚，离晒大谱，我嚟大门食堂系嚟食野，唔系嚟感受厨房同楼面既恩怨，唔该厨房两位男员工可唔可以有d专业精神，工作时工作，唔好令到客人失望而回。