影片
2020-07-07
1558 浏览
阿妈成日都话要食任食，今次佢开声话想食「德福阁」嘅自助餐，皆因为价钱够抵，每位三百蚊唔洗就有交易😳！我哋食晚上八点钟𠮶转，折实后每人$294，餐厅坐满九成人。事不宜迟即刻行个圈睇下有乜好食，食物种类正常，唔算特别多或少，放置食物嘅位置比较集中，方便客人。而且整体上都算干净、企理👍！首先，全餐最回本一定系食松叶蟹脚🦀，蟹脚大部份都好长，只碟都放唔哂。本身有啲担心会唔会无味，但食落咸咸哋，都几鲜味下。用铰剪剪开蟹壳后，就可以大大啖咁食成条真·蟹柳，正！我哋拎咗三转蟹脚，所以我可以证明餐厅真系会不断补充食物。但如果新一转食物未出嚟嘅时候，蟹脚就会比较短同细只🙈。除咗蟹脚外，海鲜类仲有法国羔蟹、蓝青口同冻虾。同时，🍣刺身类亦有四款，包括呑拿鱼、八爪鱼同鲭鱼等。听讲之前有生蚝同三文鱼食添，但我唔食蚝，对我无乜影响。蟹脚以外，即焗法式田螺🐚又系另一必食之选。我同呀妈可能每人食咗成十只都有，热辣辣焗起真系好好食，而且下低仲垫咗少少薯蓉，滋味无穷😋。烤纽西兰肉眼，依个系酒店自助餐常见嘅项目，可能餐厅细嘅关系，所以就无个👨🏼🍳厨师长期幢喺度切俾你。反而佢系间唔时切定几块放喺度俾客人自取。肉眼大大块🥩，
事不宜迟即刻行个圈睇下有乜好食，食物种类正常，唔算特别多或少，放置食物嘅位置比较集中，方便客人。而且整体上都算干净、企理👍！
首先，全餐最回本一定系食松叶蟹脚🦀，蟹脚大部份都好长，只碟都放唔哂。本身有啲担心会唔会无味，但食落咸咸哋，都几鲜味下。用铰剪剪开蟹壳后，就可以大大啖咁食成条真·蟹柳，正！
松叶蟹脚
17 浏览
0 赞好
0 留言
除咗蟹脚外，海鲜类仲有法国羔蟹、蓝青口同冻虾。同时，🍣刺身类亦有四款，包括呑拿鱼、八爪鱼同鲭鱼等。听讲之前有生蚝同三文鱼食添，但我唔食蚝，对我无乜影响。
即焗法式田螺
15 浏览
1 赞好
0 留言
烤纽西兰肉眼，依个系酒店自助餐常见嘅项目，可能餐厅细嘅关系，所以就无个👨🏼🍳厨师长期幢喺度切俾你。反而佢系间唔时切定几块放喺度俾客人自取。
肉眼大大块🥩，厚薄适中，味道就OK啦。睇落块肉个样中间位置就好似比较生，但食落又无咁嘅感觉，而且肉质唔韧，几好。
唔知系咪疫情关系，除咗自取食物外，餐厅仲设有三张点餐纸，包括餐前小食同热盘🥘。
日式蟹籽冷面
46 浏览
0 赞好
0 留言
照烧珍珠笋同日式贵妃鲍片，依两样味道正正常常，唔饱肚的，所以可以一试😉。
吉列虎虾
12 浏览
0 赞好
0 留言
焗酥皮海鲜盅，迷你酥皮汤份量刚好，唔会滞住个肚，加上酥皮新鲜焗起，够脆🥐，值得一试！
我哋仲食咗三巴汁炒蚬、韩式煎猪腩、蒜香七味煎牛脷同海南鸡。🐔海南鸡其实几好味，每份有四件，但有机会生生地，我哋换咗一次！🐷猪腩肉同牛脷系烧物，都唔错㖞，其中前者仲好大块。炒蚬就一般。
至于全晚最不推介嘅系洋葱烟肉焗青口同忌廉及鲜茄芝士焗蚝...，因为唔够热，调味又麻麻。我建议留肚食其他😝。
肚皮有限，如果大食者可以食蒸饭或者炒面。另外，仲有个师傅帮你煮喇沙汤面🍜。呀妈食咗皮蛋瘦肉粥话好正，皮蛋煲到溶哂，粥底够线，但我无影到相。
食完正餐后，就到甜品项目，选择都算几多下！杯装雪糕、各类切饼、布甸果冻、法式薄饼、杨枝金露、豆腐花等，通通都有，花多眼乱✨。
甜品
71 浏览
0 赞好
0 留言
即焗梳乎厘
20 浏览
0 赞好
0 留言
黑豆豆腐花
22 浏览
0 赞好
0 留言
由于太饱，我无食到法式薄饼，不过好似都唔错㖞。因为有个师傅即场整比你食，感觉高级咗哈哈🥞。
最后就系饮品角落，我比较欣赏系有枝装汽水🥤。有好多其他自助餐汽水都系收费项目，但依到任饮。一人饮枝可乐，满足哂😎！
总括嚟讲，我认为德福阁嘅自助餐绝对对得住个价钱有余。本身见价钱仲平过日式放题，真系不敢抱太大期望🙊，点知而家有点喜出望外呢。食物质素唔错，又会不停补充，环境同服务都算系咁。如果真系求回本的话，就丧食松叶蟹脚吧！好似我哋隔离枱咁，每人食咗三十只走唔甩，哈哈😄。
查看之前的留言 ()
张贴
