良友快餐 (已結業)

食惯快餐店嘅朋友，都应该知道快餐店咩所有食物系咩嘢嘅货色，由于今日公事繁忙，所有冇办法抽空出外食饭，只可以打电话叫外卖，咁我就唯有叫快餐店嘅外卖，叫咗一个黑椒牛扒饭+冻饮，total：$40元，好老实讲，个人觉得如果黑椒汁系食唔到黑椒本身嘅辛辣味，其实就真系好唔合格，不过点都好过其他嘅快餐店，将黑椒碎洒落D茄汁里面就当系黑椒汁，真系太过儿嬉，所以呢度嘅出品都唔算系太差，但就冇咩味道可言，牛扒用食粉腌得有D过咗火位，咬落虽然肉质系淋，但就食到一阵好苦嘅食粉𠮶种味，而且牛扒系雪藏嘢，肉味肯定欠奉，饭粒就可以，杯冻奶茶够冻，甜度、奶味同茶味都过得去，所以叫亲快餐店嘅外卖，其实都只系因为贪方便，三十几四十元一个饭餐，已经算系咁，不能太过苛求