影片
更多
2018-01-31
179 浏览
位于雅兰楼上的意粉狂热, 食完可以落地库的大型运动用品店血拼, 今晚同朋友食呢间新开主打手制意粉的餐厅, 试吓佢地既自家手制面团的PIZZA及意粉, 店内装修有啲美国餐厅 feel。睇下有乜食先？两个三八你一言我一语......太多选择特浓南瓜粟米忌廉汤 ($28)南瓜打得幼滑, 粟米也颇浓香, 汤头还有像芝麻般细小的粟米粒粒咬口, 香甜南瓜拼清甜粟米, 南瓜汤无得输, 好饮法式芝士洋葱汤 ($38)朋友的, 成碗都汤系洋葱, 试了一口.....好洋葱豪华5式拼盘 ($168)一个价钱可以试五个小食, 啱晒贪新鲜又为食嘅我。栢尔马火腿 ~ 偏瘦型, 咸香惹味, 欠咗少少西班牙火腿独有嘅油香, 咁既价钱己相当不错了。焗珍宝大啡菇酿带子 ~ 最爱大啡菇肉厚多汁, 菇味又浓郁, 加埋爽甜带子及爆脆蟹子, 口感更丰富。海虾牛油果法包多士 ~ 多士脆口, 牛油果忌廉酱略嫌过多, 可以少番啲。栢尔马火腿薯茸球 ~ 三款都系薯蓉加火腿粒炸波波,不同嘅只系上面放上不同的配料;香草、三文鱼子及黑松露。薯蓉波波外层炸得金黄脆口, 内心却软滑咸香。意式炸鱿鱼圈配他他酱 ~ 炸物个人麻麻地, 少食, 佢哋嘅
睇下有乜食先？两个三八你一言我一语......太多选择
特浓南瓜粟米忌廉汤 ($28)
南瓜打得幼滑, 粟米也颇浓香, 汤头还有像芝麻般细小的粟米粒粒咬口, 香甜南瓜拼清甜粟米, 南瓜汤无得输, 好饮
法式芝士洋葱汤 ($38)
朋友的, 成碗都汤系洋葱, 试了一口.....好洋葱
豪华5式拼盘 ($168)
一个价钱可以试五个小食, 啱晒贪新鲜又为食嘅我。
栢尔马火腿 ~ 偏瘦型, 咸香惹味, 欠咗少少西班牙火腿独有嘅油香, 咁既价钱己相当不错了。
焗珍宝大啡菇酿带子 ~ 最爱大啡菇肉厚多汁, 菇味又浓郁, 加埋爽甜带子及爆脆蟹子, 口感更丰富。
海虾牛油果法包多士 ~ 多士脆口, 牛油果忌廉酱略嫌过多, 可以少番啲。
栢尔马火腿薯茸球 ~ 三款都系薯蓉加火腿粒炸波波,不同嘅只系上面放上不同的配料;香草、三文鱼子及黑松露。
薯蓉波波外层炸得金黄脆口, 内心却软滑咸香。
意式炸鱿鱼圈配他他酱 ~ 炸物个人麻麻地, 少食, 佢哋嘅炸酱唔算厚, 鱿鱼爽脆, 拈啲洋葱他他酱食, 好香口, 又无咁油腻。
照烧鸡蛋黄披萨 ($78/2人前)
望落好简约健康的pizza, 配料较简单, 照烧鸡鸡肉、蛋黄酱、葱粒及芝士, 最后洒上紫菜丝, 热辣辣香喷喷上台, 这个创新的和风照烧加蛋黄酱味pizza都几特别, 又系香香甜甜, 冇净系用芝士焗咁腻, 其实芝士都落左唔少架, 有拉丝效果, 只系芝士丝幼身啲咁解, 我钟意佢个 pizza 底, 侧边位比较厚身, 外脆内烟韧。
寿喜烧风牛肉杂菌手制扁意粉 ($78)
和风日式烧酱意粉, 配料丰富, 有温泉蛋、车厘茄、真姬菇、京葱、红椒、鸡髀菇及瘦肥牛等, 捞埋所有材料食, 口感同味道非常都丰富, 主角手制面口感烟韧, 有点像吃手制刀削面的感觉, 和风烧汁香香甜甜, 加埋京葱香、番茄甜酸、鸡蛋滑、菇菌爽口、牛肉油香....好似人生一样, 吃一口......百感交集, 好难用一两句说话来形容
抹茶芭菲 ($58)
层层叠甜品, 最上层是忌廉及极度浓香的抹茶, 下面是扭扭微弹抹茶奶冻并牛奶奶冻, 最下层是脆脆粟米片, 冰冻微甜, 食完饱到上心, 我地大高估自己, 这个份量可以3个女士食.....埋单去shopping 散下步先。
Choco Fun English Tea ($38)
朱古力就饮得多, 朱古力茶还是第一次, 朱古力茶用茶壶上, 茶壶能保存热度, 饮几多倒几多出嚟, 唔似得杯上咁....饮饮下就冻冰冰, 壶上仲有一个好处, 就系可以加热水无限添饮, 仲可以同朋友开心share, 讲返个茶, 估唔到朱古力味都几出, 味道同平时饮嘅真朱古力味道相似, 只系冇左糖既甜味及朱古力味冇真朱古力饮品咁浓, 会轻啲。
张贴
