影片
更多
2021-06-11
3834 浏览
老实讲今次系我第一次写食评，亦都应该系唯一一次。首先一直都好期待去呢间餐厅食饭，个人亦都十分喜欢怀石料理。先讲一下呢间餐厅book 位𠮶阵每位客人要俾$500留位费（个人觉得好合理，前提系食材保证新鲜的话）去到先同带位女士说明会使用K11 coupon，Reception女士面色明显不爽，可能觉得我地cheap但系由于我地系K11 长期客户，亦无理由唔用coupon。咁我地先作简单登记然后准备入座，因为我哋有位朋友因为交通挤塞可能迟多5分钟先可以到达（其实亦都未到我哋正式入座时间）当时带位女士已经问第一次剩低个位客人大概几耐到，我哋好清楚讲明系楼下上紧来。然后我哋正式坐低后个位女士亦再次过嚟问我哋最后一位客人是否5分钟内到达，我哋回答佢只是在升降机上紧来。再过多1分钟呢位带位女士指示另外一位员工问我哋剩低第一位客人确实地点喺边度能否尽快上来。我当场简直惊呆！点解米芝莲一星餐厅可以有咁嘅服务态度，需要直接知道客人嘅详细地点，食过咁多间米芝莲嘅餐厅/高级酒店都未见过人系咁催客。同场另一个客人因为迟到，厨师决定唔等佢哋直接上菜，此举亦都真系未曾见过。食物亦非常普通完全无特别，唯一系卖相唔错。
老实讲今次系我第一次写食评，亦都应该系唯一一次。首先一直都好期待去呢间餐厅食饭，个人亦都十分喜欢怀石料理。先讲一下呢间餐厅book 位𠮶阵每位客人要俾$500留位费（个人觉得好合理，前提系食材保证新鲜的话）去到先同带位女士说明会使用K11 coupon，Reception女士面色明显不爽，可能觉得我地cheap但系由于我地系K11 长期客户，亦无理由唔用coupon。咁我地先作简单登记然后准备入座，因为我哋有位朋友因为交通挤塞可能迟多5分钟先可以到达（其实亦都未到我哋正式入座时间）当时带位女士已经问第一次剩低个位客人大概几耐到，我哋好清楚讲明系楼下上紧来。然后我哋正式坐低后个位女士亦再次过嚟问我哋最后一位客人是否5分钟内到达，我哋回答佢只是在升降机上紧来。再过多1分钟呢位带位女士指示另外一位员工问我哋剩低第一位客人确实地点喺边度能否尽快上来。我当场简直惊呆！点解米芝莲一星餐厅可以有咁嘅服务态度，需要直接知道客人嘅详细地点，食过咁多间米芝莲嘅餐厅/高级酒店都未见过人系咁催客。同场另一个客人因为迟到，厨师决定唔等佢哋直接上菜，此举亦都真系未曾见过。
食物亦非常普通完全无特别，唯一系卖相唔错。大部分海鲜都唔系好新鲜，亦比普遍omakase逊色。唯一期待嘅海胆卷亦都非常腥同孱。成餐饭有惊喜嘅地方只有烧鳗鱼，外脆内软，同场有厨师相熟嘅顾客佢哋食鳗鱼就系可以获得中间鱼腩位而且比较大的份量我哋一行五人就食鱼头同鱼尾部位，老实讲作为一间高级餐厅此举极为不应该。成餐饭都系啲极为普通嘅食材同煮法，收$2500一位真系一啲都唔值得。好多汤物一系就极咸一系就毫无味道。甜品份量亦极为细小。佢哋最基本嘅米饭亦都未合格！头𠮶几碗饭质感都算唔错但系下面已经开始见水，成碗饭亦唔觉有米香最后𠮶几道菜餐厅亦都系好赶嘅速度同时间之下完成，俾啲咁嘅价钱冇谂过要食得咁赶亦都唔系舒适。
另外一个亦都系比较严重嘅问题就系依间餐厅入边竟然有蚊虫。日本餐厅最讲究嘅就系卫生，作为米芝莲一星及高级日本餐厅我亦都系第一次感受到有蚊喺旁边一直飞来飞去，完全对成个experience大打折扣。如果要我比分，满分100分的话呢餐饭应该只有20分，下次亦唔会再帮衬因为用咗$2500一个人食饭都唔知食咗啲乜嘢，亦冇一款
𩠌菜才可以留低深刻印象。
张贴