八方雲集鍋貼水餃專門店

营业中

休息中

女友今晚凌晨去坐飞机，送佢返屋企前要食个快晚餐，就拣左楼下既八方云集。本来想食面线，谂起个汤好重味精，惊出发前唔舒服，都系食清淡d，要个水饺汤面餐，再加个锅贴餐。估唔到个面汤唔太多味精，食晒成个都无口渴，上海面同水饺都有同个汤一齐煮过，索左好多清甜既汤汁。水饺咬开仲会少少爆汁，个餐仲有5个水饺分开上，入面无面汤，味道差一d。个面系中等粗幼既上海面，有好浓既米香，烟纫爽口，无煮得太淋。因为之前对八方既牛肉面同大肠面线印象麻麻，呢个水饺面令我另眼相看。韮菜锅贴就同之前一样好味。珍珠奶茶过得去啦，珍珠唔大唔烟纫，奶味茶味偏淡，好彩冰落得唔多，又真系有少甜。酸梅汤就甜到漏，仲无得少甜，下次唔叫啦。