麵鮮醬油房周月 (景隆街) (已結業)

我一向都唔系沾面嘅粉丝，加上曾经食过一两间食完都比较失望嘅沾面之后，觉得味道太浓面质又麻麻，都有少少怕咗。今次破例再试都系因为我朋友极力嘅推介，或者因为已经冇乜期望，周月成功令我对沾面改观。决定边款之前，可以拣冷面啦热面啦，浓汁淡汁而面嘅份量亦都有得选择，呢方面我觉得做得好贴心。最后我叫咗佢嘅signature周月沾面，由于我怕味道太浓，所以我点左淡汁，对我嚟讲味道啱啱好；个汁食起上嚟有好轻微嘅酸味，感觉冇咁油腻，汁里面嘅豚肉味道都唔错。而面质嘅口感都好好，软硬适中，亦都弹牙。如果再想食沾面我谂我都系会帮衬返佢，因为都真系怕中伏。