利小館 (已結業)

今日想饮吓茶，食返笼点心，又唔想行咁远近近地就选择呢度，十点几嚟到都未开，原来系开11点嘅~利苑饮茶就多，利小馆又真系未试过，佢地点心种类唔算多，小菜粉面选择较多。呢个应该系用新鲜鸡脚整嘅，所以卖相涨卜卜，入口脆嫩，鸡脚吸收晒沙姜味道，咬落筋骨爽脆见到咁饱满就知道馅料足，虾饺皮够薄，每啖都咬到爽口嘅新鲜虾系里面。呢个小笼包真系赞睇相都见到里面汤汁好多，外皮厚薄适中，配上佢地香甜嘅黑醋，啜第一啖汤时汤汁鲜甜清澈带肉味，馅料嘅肉夹住一啲姜苿，入口更清新。猪肉肥瘦比例恰当，入口啖啖肉，仲有半只虾系里面，真材实料呢款双芹鱼米饺,水晶皮薄烟靭，除咗芹菜之外仲有切丁嘅冬菇同鱼肉，丰富可口。虽然价钱真系高啲，论质素论环境同服务都系合理的贵啲都无办法啰，因为好食嘛