Sugar

营业中

休息中

Item: Sugar
Rating: 3
Author: 菲比熊

174 食记

味道

环境

服务

卫生

抵食

19062

太古

$201-400

多国菜酒串烧酒吧酒店餐厅

135

条款及细则:
餐厅:	Sugar
优惠:	于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。
立即加入国泰会员计划，今日开始累积里数！
国泰会员每次可赚取「亚洲万里通」里数之消费额上限为港币10,000元。会员凡于国泰伙伴餐厅作合资格消费，每港币4元可赚取2里数。而渣打国泰Mastercard®客户凭卡消费可享每港币4元赚取2里数，包括合作伙伴餐厅合资格消费之餐膳里赏（每港币4元赚取1里数）及基本餐饮类别之合资格签账奖赏（每港币4元赚取1里数）。赚取之「亚洲万里通」里数将根据餐饮与膳食消费，包括服务费、税项及小费的总和而计算。惠顾特定推广套餐或不可赚取「亚洲万里通」里数。请预先向个别「赚里餐厅」查询。赚取的「亚洲万里通」里数将于认可餐膳消费交易后10个工作天内存入会员的账户。

须受其他国泰条款及细则约束。

菲比熊

等级4

1.1K

8月5日, 呀菲呀比131周月纪念快乐~ 今日衬住星期日决定揾个地方食个brunch叹一下! 见到位于太古城嘅east hotel呢间原本为酒吧嘅Sugar而家逢星期日开始供应BBQ Brunch Buffet, 每位$285加一(而家已加价至$298一位), 包自助头盘及甜品和自选烧烤主菜一份不过唔包饮品. 见呢度环境景观都唔差, 所以就决定嚟试下~::: Appetizer ::: 沙律比想像中少款, 已拌好嘅有凯撒沙律、中东小米沙律、蜜糖鸭胸苹果沙律、薯仔沙律、希腊沙律同比你自己加酱汁的mixed green salad. 虽然选择少, 但庆幸各种沙律味道都唔错~ 凯撒沙律生菜鲜甜脆口, 拌以凯撒沙律酱更显爽甜. 中东小米沙律有特色, 小米质口亦爽口. 希腊沙律彩椒够甜. 苹果鸭胸沙律好健康, 鸭胸甜甜地又够嫩, 青苹果带酸香特别开胃, 不过苹果同鸭胸两样野一齐摆落口味道都毫无交流…薯仔沙律粉糯, 最钟意食!除咗沙律, 亦有三款餐包供应, 当中最特别的算系平时食印度野会遇到嘅薄脆饼~ 咬落香脆又有浓烈香料味, 可惜无汁无汤点, 食落未免干争争. 其余两款面包都几软熟, 但店方只预

8月5日, 呀菲呀比131周月纪念快乐~ 今日衬住星期日决定揾个地方食个brunch叹一下! 见到位于太古城嘅east hotel呢间原本为酒吧嘅Sugar而家逢星期日开始供应BBQ Brunch Buffet, 每位$285加一(而家已加价至$298一位), 包自助头盘及甜品和自选烧烤主菜一份不过唔包饮品. 见呢度环境景观都唔差, 所以就决定嚟试下~

::: Appetizer :::
沙律比想像中少款, 已拌好嘅有凯撒沙律、中东小米沙律、蜜糖鸭胸苹果沙律、薯仔沙律、希腊沙律同比你自己加酱汁的mixed green salad. 虽然选择少, 但庆幸各种沙律味道都唔错~ 凯撒沙律生菜鲜甜脆口, 拌以凯撒沙律酱更显爽甜. 中东小米沙律有特色, 小米质口亦爽口. 希腊沙律彩椒够甜. 苹果鸭胸沙律好健康, 鸭胸甜甜地又够嫩, 青苹果带酸香特别开胃, 不过苹果同鸭胸两样野一齐摆落口味道都毫无交流…薯仔沙律粉糯, 最钟意食!
除咗沙律, 亦有三款餐包供应, 当中最特别的算系平时食印度野会遇到嘅薄脆饼~ 咬落香脆又有浓烈香料味, 可惜无汁无汤点, 食落未免干争争. 其余两款面包都几软熟, 但店方只预备咗一款普通牛油搽面包, 但追问原来又可以有jam提供… 加上面包都已经放咗一段时间, 毫无温度可言, 整体未免失色…

::: BBQ Main Course :::
食客可以从4款烧烤主菜包括牛扒、大虾、鸡扒同鱼柳中拣选2款~ 再伴以烤薯仔同粟米两样淀粉类代表.
我地两个人, 正好拣晒4款烤肉慢慢试! 先嚟有牛扒同大虾, 牛扒用上接近牛柳位置, 肉质嫩滑牛味浓郁~ 绝对系4款之中最好食! 大虾亦真系唔错~ 无谂过只虾个size都唔细, 而且仲有2大只! 开边虾肉烧得外脆内嫩, 虾味鲜而肉质弹牙~ 好好味~ 鸡扒都几大块, 肉质亦嫩滑juicy~ 不过相比起牛同虾, 则欠些许肉香. 4款之中最差系鱼柳, 毫无质感, 味道又淡薄…
要赞嘅系呢度提供好多款sauce比你点肉食~ 由香草酱、蕃茄salsa、mustard、忌廉汁以至浓味d嘅blue cheese sauce都有~ 唔单只可以点肉, 用嚟点缀埋个烤薯仔或粟米亦十分不错!

::: Dessert :::
甜品虽然都系buffet形式供应, 但就只有tiramisu、lemon tart、朱古力小蛋糕同香蕉拖肥小蛋糕三数款~ 当中有不少食家推荐嘅香蕉拖肥小蛋糕我地就一般… 外面层挞皮淋唔淋脆唔脆咁, 味道亦略甜咗d. 朱古力蛋糕就一层太硬一层太软, 而且都太甜. Lemon tart挞皮富牛油香, 内里嘅lemon curt filling则滑溜带酸香, 口味十分清新, 亦可以中和之前食烤肉同甜品嘅甜腻感~ 好味! 最爱要数呀菲嘅飞佛~ 以玻璃樽盛载嘅tiramisu! 面头一层可可粉下系软绵绵嘅mascarpone cheese, 芝味清香口感亦轻柔松软~ 再往下品尝则有轻蘸上咖啡酒嘅蛋糕层, 够晒软绵湿润~ 成杯tiramisu芝士味清新不腻, 我忍唔住encore咗3次!

::: Killer Kiwi ::: $50
话晒呢度都系以饮野做主打, 唔好酒精嘅我地都叫咗杯零酒精Mocktail Killer Kiwi试下~ 其实系奇异果汁、西柚汁沟雪碧, 奇异果味道最出, 西柚次之, 而雪碧就直情唔系好饮得出. 所以杯野味道以酸多甜少, 无乜汽水甜味, 反而更似梳打水~ 不过酸酸地, 清新消滞, 夏天饮都几解喝~

我地差唔多12点半先嚟到, 室内已经有半场满, 大部份都系一家大细嚟家庭乐, 落地大玻璃让室外阳光尽情穿透, 光猛嘅环境同夜晚嘅酒吧形象完全系两回事! 不过时值炎夏, 天气颇为翳焗, 两道全开嘅落地大玻璃门不但无为食客带来丝许凉风, 仲放晒餐厅仅余嘅冷气出去, 令我地就算坐喺室内都有少少热到出汗… 加上佢地嘅枱偏矮, 几乎同梳化座位同一高度, 而呢个高度系完全唔适合进餐! 全程都要乌低身食野, 真系腰骨都痛埋… 总括而言其实呢到环境食物都不错, 不过就绝对唔适宜食正餐~ 下次嚟都会拣个凉快d嘅晚上, 坐室外睇风景, 叹杯野饮更佳!