影片
更多
2021-11-16
808 浏览
之前同朋友去揾嘢食，咁啱见到呢间冇乜人等位所以入咗去试。本身对素食有啲主观反感，但系食完呢间之后，改观咗。.食佢嘅午市套餐，包一杯佢哋赠送嘅薏米水(?)，然后主菜再加一碗好足料嘅汤。.汤: 我冇特别听佢讲系咩汤，饮嘅时候清清地，清得嚟又唔会话无味，咸度拿捏得几好，仲有好多菇，而且眼见都有几种唔同嘅菇，饮落唔会好似饮咗成啖味精咁。入面好重菇味，不过系真系香𠮶只菇味。.送嘅饮品(我觉得系薏米水): 唔难接受，好易入口，(以我平时只饮汽水，水都尽量唔想掂嘅人嚟讲)令我对健康食品有啲改观。佢冇𠮶阵好难闻草味，清清甜甜好解渴。.终于到主餐，我叫咗佢嘅素牛肉末炒饭，我朋友叫咗手撕鸡饭卷。.因为以前食过一间素食嘅蒟蒻三文鱼，好反感，所以当我见到佢所讲嘅素牛肉，本身都有啲抗拒。但系当餐点嚟到，试咗第一啖，以前对于素食嘅主观感受一扫而空，佢嘅味有啲似杨州炒饭，一啲奇怪嘅味都冇，冇好似以前我食𠮶啲，好似咕噜肉用菇代肉等等嘅怪异感。个啲素牛肉碎，好完美融合𠮶个饭入面。饭入面其他嘅蔬菜，更加唔洗讲，调味非常刚好，本身眼见佢份量咁大，都以为食唔晒，但系可能因为佢唔系好油腻，而且味道好吸引，而不知不觉间食晒。.手
.
食佢嘅午市套餐，包一杯佢哋赠送嘅薏米水(?)，然后主菜再加一碗好足料嘅汤。
.
汤: 我冇特别听佢讲系咩汤，饮嘅时候清清地，清得嚟又唔会话无味，咸度拿捏得几好，仲有好多菇，而且眼见都有几种唔同嘅菇，饮落唔会好似饮咗成啖味精咁。入面好重菇味，不过系真系香𠮶只菇味。
.
送嘅饮品(我觉得系薏米水): 唔难接受，好易入口，(以我平时只饮汽水，水都尽量唔想掂嘅人嚟讲)令我对健康食品有啲改观。佢冇𠮶阵好难闻草味，清清甜甜好解渴。
.
终于到主餐，我叫咗佢嘅素牛肉末炒饭，我朋友叫咗手撕鸡饭卷。
.
因为以前食过一间素食嘅蒟蒻三文鱼，好反感，所以当我见到佢所讲嘅素牛肉，本身都有啲抗拒。但系当餐点嚟到，试咗第一啖，以前对于素食嘅主观感受一扫而空，佢嘅味有啲似杨州炒饭，一啲奇怪嘅味都冇，冇好似以前我食𠮶啲，好似咕噜肉用菇代肉等等嘅怪异感。个啲素牛肉碎，好完美融合𠮶个饭入面。饭入面其他嘅蔬菜，更加唔洗讲，调味非常刚好，本身眼见佢份量咁大，都以为食唔晒，但系可能因为佢唔系好油腻，而且味道好吸引，而不知不觉间食晒。
.
手撕鸡饭卷，我试咗一旧，佢嘅手撕鸡同以上嘅素牛肉碎一样，完美化身为一旧饭卷。完全唔洗担心，本身唔系食素会唔习惯嘅问题。佢嘅味道同口感唔会令人跳出嚟(which I mean)望住旧鸡食到菇味嘅奇怪感觉。
.
总括而言，所有嘢食嘅存在都好自然，系一间好适合同素食朋友或者朋友一齐食嘅餐厅。
张贴