一寿司+ (已結業)

一向都帮衬开一寿司, 因为寿司新鲜之余亦有多种选择 但今晚试了新世纪分店的食物之后, 真系揾唔到再次帮衬既理由~ 以相若既价钱, 周围都可以食到比佢更有水准同埋有工作效率既寿司店。大概6点几入座, 座位身后有成堆店员系度吹水, 悠悠闲咁企系度。 但唔知点解当我写了order 纸, 想交给店员既时候, 无一个人系留意到 (成6-7个店员企o系我身后面)。当我叫人既时候, 有个店员即刻眼都唔望, 一句野都无讲过, 就一手抢左张纸走开左。虽然食物好快就有, 但d 店员系将食物递比我, 要我自己放o系枱上面, 而唔系佢地自己 serve 上枱。d 食物系可以用难食去形容:炸鸡软骨 - 炸到油淋淋, 根本都炸到金黄色就上碟, 同要份量超少。牛肉乌冬 - 汤底除左青椒味之外, 食唔到有其他既味道, 但牛肉还可以。加洲手卷 - 不过不失, 但同其他分店既水准有出入面豉汤 - 叫左一个普通, 一个蚬肉面豉汤, 两碗都太咸; 蚬肉细到得半只手指尾咁, 仲要有阵腥臭味, 我未试过饮d咁难饮既面豉汤, 结果廿蚊饮左佢一啖就放埋一边!!两个人食左$164, 食物既质素真系太差, 对我黎讲呢百零蚊都比得唔值!