影片
更多
2019-05-08
1516 浏览
今日中午约埋男友一齐食午餐，惊午市太多人，所以特登12点就约好过去攞位。12点去到已经有唔少人，不过带位嘅姐姐都问我哋可否一点半前交台，其实我哋都赶住食完返公司，可能未到1:30已经离座。最后我哋被安排喺门前少少嘅位置，我坐咗喺两张长凳之间嘅空隙位，都几唔舒服㗎。店内装修几有气派，位都唔少，有寿司吧台同铁板烧位，我哋坐咗一阵已经开始吧台满座。不过佢哋有得订座，下次约好时间可以订定台稳阵。是日所见都有母亲节餐，不过都系二人前，似情人餐多啲。由于我哋当日都冇食早餐，所以选择咗熟食，店家有寿司刺身，铁板烧同汤面，选择好多㗎。侍应首先比我哋嘅系味增汤，材料有豆腐粒同海带、葱，太咸，食咗啲料之后已经唔想饮汤。跟手上咗餐饮，我叫嘅热柚子蜜，好淡好淡，同饮水冇分别。热咖啡尚可，糖同奶都系另上，可以自己调配喜好。男友嘅银鳕鱼西京烧，配餐有胡麻沙律、芽菜、味增汤及白饭，芽菜调味过，不咸不淡，味道尚可。沙律嘅胡麻酱份量勉强接受。至于个主菜银鳕鱼，油脂丰富，西京即系经过面豉腌制，咸香，烧得皮脆肉嫩，不过份量仅仅够𩠌饭。一个好高胆固醇得来又忍唔住口嘅美味午餐。有烧安格斯牛肉（薄）里面夹咗啲葱，唔会韧，有个汁点
12点去到已经有唔少人，不过带位嘅姐姐都问我哋可否一点半前交台，其实我哋都赶住食完返公司，可能未到1:30已经离座。最后我哋被安排喺门前少少嘅位置，我坐咗喺两张长凳之间嘅空隙位，都几唔舒服㗎。
店内装修几有气派，位都唔少，有寿司吧台同铁板烧位，我哋坐咗一阵已经开始吧台满座。不过佢哋有得订座，下次约好时间可以订定台稳阵。
是日所见都有母亲节餐，不过都系二人前，似情人餐多啲。
由于我哋当日都冇食早餐，所以选择咗熟食，店家有寿司刺身，铁板烧同汤面，选择好多㗎。
味增汤
26 浏览
0 赞好
0 留言
侍应首先比我哋嘅系味增汤，材料有豆腐粒同海带、葱，太咸，食咗啲料之后已经唔想饮汤。
热柚子蜜
63 浏览
0 赞好
0 留言
跟手上咗餐饮，我叫嘅热柚子蜜，好淡好淡，同饮水冇分别。
热咖啡
178 浏览
0 赞好
0 留言
热咖啡尚可，糖同奶都系另上，可以自己调配喜好。
银鳕鱼西京烧餐
34 浏览
0 赞好
0 留言
男友嘅银鳕鱼西京烧，配餐有胡麻沙律、芽菜、味增汤及白饭，芽菜调味过，不咸不淡，味道尚可。沙律嘅胡麻酱份量勉强接受。
银鳕鱼
40 浏览
0 赞好
0 留言
至于个主菜银鳕鱼，油脂丰富，西京即系经过面豉腌制，咸香，烧得皮脆肉嫩，不过份量仅仅够𩠌饭。
法国鹅肝安格斯肉眼（薄）铁板烧 配烟肉炒饭
51 浏览
0 赞好
0 留言
一个好高胆固醇得来又忍唔住口嘅美味午餐。
法国鹅肝安格斯肉眼（薄）铁板烧
57 浏览
1 赞好
0 留言
有烧安格斯牛肉（薄）里面夹咗啲葱，唔会韧，有个汁点一点惹味啲。
仲有啲烧蔬菜，菇、番茄同瓜，令个餐整体健康咗啲。
最后讲下个鹅肝～
法国鹅肝多士
26 浏览
0 赞好
0 留言
鹅肝配咗块多士，我选择用手拎起食，没有淑女仪态嘅束缚，尽情喺男友面前享用美食。
法国鹅肝多士
25 浏览
0 赞好
0 留言
比大家睇真啲块鹅肝，好香好正，油脂丰富，配以多士，嚼口一流，令人回味无穷。
由于相片上传数量有限，未能让大家睇埋个饭，跟餐嘅烟肉炒饭略欠干身，不过冇影响到佢整体嘅口味，除咗烟肉仲会有啲红萝卜碎，其实就算唔跟𩠌都几好味。
不过个餐冇跟到匙羹，用筷子夹炒饭嘅功力唔够，最好同侍应拎返个匙羹用啦。
最后我哋用咗唔到50分钟嘅时间享用咗一个美味午餐，香港人又要返工，又要赶时间，其实午餐可以美味就尽量对自己好啲啦！
整体来说，算系中上水准，如果细节上跟足啲就更加好啦！下次，揾个夜晚试下啲鱼生刺身。
张贴
