麒藝館 (已結業)

圣诞将至，放假心情浓厚，所以就放半昼去左铜锣湾同朋友饮茶。朋友喺时代广场返工，带咗我去麒艺馆度医肚。餐厅装修布置高尚，店员服务态度良好。我地叫左几个点心:大地鱼未烧卖 (HKD 48)，原只鲍鱼花胶挞 (HKD 96)，唐酒花胶蟹肉蛋白(HKD 128)，麻婆豆腐日本带子饺 (HKD 58)同埋天山雪枣无花果炖花胶 (HKD 78)。☀️原只鲍鱼花胶挞鲍鱼整得好腍又大只，卖相贵气，挞皮酥软松化，里面酿满花胶粒，简直一流。☀️大地鱼末烧卖有3粒，大大粒，上面有好多蟹籽，口感弹牙，味道唔错。☀️唐酒花胶蟹肉蛋白卖相好吸引，有好多花胶，花胶件件厚身，有弹性得嚟软腍，啖啖充满骨胶原，底下嘅蛋白索满花胶嘅鲜味，口感滑溜。☀️麻婆豆腐日本带子饺卖相精致，皮薄，馅料饱满，里面嘅麻婆头腐，微辣，惹味。☀️天山雪莲无花果炖花胶甜度适中，好滋润，仲有微微嘅姜味，花胶滑溜，好适合冬天饮。至于茶我地就要左桂花乌龙茶 (HKD 20/位)，可以暖胃，特别啱哂我胃功能较差既人。茶味道清甜，有著淡淡桂花香味。