影片
更多
2009-03-31
16 浏览
喺Times留下睇完戲，又要搵食醫肚，記得樓上食通天有間新開英式Gastropub，標明係Redefining Casual Dining，而小公主又可以緬懷一番讀書時嘅食物，決定去試一試，入到去，有高嘅bar枱for傾計，又有圓枱for一大班人嘅，又有細細方型枱for 情侶，後面仲有一個open kitchen，亦有一塊大大嘅黑板，上面寫有一啲今期推介嘅菜式，設計新潮。未點菜前，先嚟一推麵包 - 唔會係石頭麵包，口感尚算ok。Dipping sauce有 1 .加入蕃茄嘅牛油, 2. 加有香草嘅橄欖油。我地叫咗：1. Cosmopolitan - 一杯色澤靚靚而對女士又非常易入口嘅cocktail，入面含有Vodka, lime juice, and cranberry juice.2. Hunter - 入面有Whiskey嘅cocktail，另加有Cherry Brandy，我地入口嘅感覺不約而同地覺得好似藥水咁，不過我諗鬼佬會好buy嘅。3. Prawn & Chorizo Skewers - 其實係蝦同腸仔串燒，啲蝦雖然燒過，但係入面都唔會乾，仲好有水份，值得一讚，腸仔類似
未點菜前，先嚟一推麵包 - 唔會係石頭麵包，口感尚算ok。Dipping sauce有 1 .加入蕃茄嘅牛油, 2. 加有香草嘅橄欖油。
我地叫咗：
1. Cosmopolitan - 一杯色澤靚靚而對女士又非常易入口嘅cocktail，入面含有Vodka, lime juice, and cranberry juice.
2. Hunter - 入面有Whiskey嘅cocktail，另加有Cherry Brandy，我地入口嘅感覺不約而同地覺得好似藥水咁，不過我諗鬼佬會好buy嘅。
3. Prawn & Chorizo Skewers - 其實係蝦同腸仔串燒，啲蝦雖然燒過，但係入面都唔會乾，仲好有水份，值得一讚，腸仔類似鬼佬臘腸咁，不過咁樣兩串就要$60，似乎貴咗些少。
4. Slow Roast Duckling w/ herb wild rice & bing cherry jus - 一道類似stuffed chicken嘅口感，不過用上鴨，配上車厘汁，雖然本人一向認為鬼佬唔識煮飯，但係呢個stuffed rice真係整得唔錯，帶甜味嘅汁配上焗過嘅鴨，感覺特別，值得一試。
5. Pappardelle with Wild Mushrooms, Tuffle Cream & Shaved Parmesan - 咪以為睇落好似冇肉，味道會好寡，但係佢有幾種磨菇，而且個忌廉汁係加有松露，面頭放上細塊嘅Parmesan cheese，其實已經好heavy，不過如果個sauce可以再杰啲就最好。
Comments : 一定再去試埋其他菜式。令我地對英國菜改觀，不過佢可能係迎合本地人口味，菜式特別，感覺好新鮮，有別於我地平時食慣嘅美國菜、法國菜、意大利菜，anyway....最緊要都係好食嘛.........
张贴
