東園酒家宴會廳 (已結業)

我平时好少食酒楼嘅嘢，因为酒楼成日比我记得印象就系好多野已经准备好晒，好似快餐店咁样，食落去东铁铁，完全冇晒口感。呢度睇落去唔系好大，但系服务员就异常地多，好多服务员都系唔同枱行嚟行去，随时 Ready 随叫随到咁样。餐牌啲嘢食五花八门，我都唔知叫咩好，我最尾叫咗榄梅砵仔骨、芹香彩虹炒趸球、生者肉崧芥兰䓕、每日足料靓汤。首先系个汤黎左，我系冇谂过可以咁大碗汤，心谂如果我饮咗碗汤之后，就唔使食嘢 😂，个服务员几细心，佢会将碗例系我哋嘅碗上面，跟住我哋饮完之后，又有服务员帮我地倒。跟住黎的系榄梅砵仔骨，呢个砵仔骨似相当有惊喜，每个砵仔骨都被少量蜜糖包围，然后有微微既黑椒味，食落又甜又香，而且肉质煮得刚好，软硬适中，唔会好难咬。之后芹香彩虹炒趸球同卖个生者肉崧芥兰䓕一齐黎，个生者肉崧芥兰䓕我觉得味道一般，因为我觉得个菜落得太多虾酱，系有明显嘅咸味。至于个芹香彩虹炒趸球，黎到既时候见到旁边既画已经好想即刻食，食既时候食到好有肉质，然后里面系啖啖肉，超级送饭。最后有甜品送，红豆沙香而幼滑，而且不会太甜，入口香浓，十分满足的一餐。呢次嘅晚餐，我对酒楼嘅睇法系完全改观。